kashmir encounter: Fake Alert: కశ్మీర్ ఎన్‌కౌంటర్‌లో అంత ఘోరం జరిగిందా.. ఏంటా రాతలు? – fake alert: old photos from 2018 shared to claim pellet injuries to civilians in recent kashmir operation


క్లెయిమ్:
పెల్లెట్ల ప్రయోగంతో తీవ్రంగా గాయపడిన కొంత మంది ఫోటోలు ఇటీవల ట్విటర్‌లో వైరల్‌గా మారాయి. కశ్మీర్‌లోని కుల్గాం జిల్లాలో భారత భద్రతా బలగాల చేతిలో గాయపడిన నిరసనకారులు వీళ్లు అంటూ ఆ ఫోటోలను షేర్ చేశారు.
భారత భద్రతా దళాలు కశ్మీర్‌లో కొద్ది రోజుల కిందట ఉగ్రవాదుల కోసం కార్డన్ సెర్చ్ జరిపిన సమయంలో ఈ ఫోటోలను వైరల్ చేశారు.

‘కుల్గాం జిల్లా కైమోహ్ గ్రామానికి చెందిన ఫోటోలు ఇవి. కేంద్ర ప్రభుత్వ ఆదేశాలతో ఇండియన్ ఆర్మీ.. అక్కడ నిరసన చేస్తున్న వారిని దారుణంగా అణచివేసింది. భారత సైన్యం వారిపైకి పెల్లెట్లను ప్రయోగించింది. ఈ ఘటనలో అనేక మంది తీవ్రంగా గాయపడ్డారు. కొంత మందికి కళ్లు తదితర సున్నితమైన ప్రాంతాల్లో గాయాలయ్యాయి’ అని ఆ ఫోటోలు షేర్ చేస్తూ కామెంట్ పెట్టారు. ఉస్మాన్ ఖయ్యుమ్ అనే ట్విటర్ యూజర్ పేరుతో చేసిన ఈ ట్వీట్ గంటల వ్యవధిలో వైరల్ అయింది.

నిజం:
ఈ ఫోటోలు రెండేళ్ల కిందటివి. 2018లో చోటు చేసుకున్న ఘటనకు సంబంధించిన ఫోటోలను మళ్లీ షేర్ చేస్తూ కుల్గాంలో ఏదో జరిగిపోతోంది అన్నట్లుగా దుష్ప్రచారం చేశారు. కుల్గాంలో ప్రస్తుతం జరుగుతున్న పరిణామాలకు ఈ ఫోటోలతో ఎలాంటి సంబంధం లేదు.

వెరిఫికేషన్‌కు అనుసరించిన పద్ధతి:
గూగుల్‌లో రివర్స్ – ఇమేజ్ సెర్చ్ ద్వారా ప్రయత్నించగా.. 2018లో చేసిన ఓ ట్వీట్ కనిపించింది. కశ్మీర్ వేర్పాటువాద నాయకుడు మిర్వాజ్ ఉమర్ ఫరూక్.. తాజాగా వైరల్ అవుతున్న మూడు ఫోటోలనే షేర్ చేస్తూ.. కుల్గాంలోని కైమోహ్ గ్రామస్థులపై భారత భద్రతా దళాలు పెల్లెట్ల వర్షం కురిపించాయని, ఈ ఘటనలో అనేక మంది గాయపడ్డారని కామెంట్ చేశారు. నిరసనకారులకు కళ్లు తదితర సున్నిత భాగాల్లో గాయాలయ్యాయని రాసుకొచ్చారు.

ఫరూక్ ట్వీట్ మాత్రమే కాకుండా గూగుల్‌లో బయటపడ్డ అనేక లింకులు ఈ ఫోటోలు 2018 నాటివి అని చెబుతున్నాయి.

Read This In English

తీర్పు:
టైమ్స్ ఫ్యాక్ట్ చెక్ బృందం పరిశీలనలో తేలింది ఏమిటంటే.. కుల్గాం జిల్లాకు చెందినవిగా ట్విటర్‌లో ప్రస్తుతం వైరల్ అవుతున్న ఫోటోలు ఇప్పటివి కావు. కుల్గాంలో అక్రమంగా చొరబడ్డ తీవ్రవాదులపై భారత సైన్యం చేపట్టిన ఆపరేషన్‌కు ఈ ఫోటోలను ఆపాదిస్తూ వదంతులు వ్యాప్తి చెందించారు.



Source link

Leave a Reply

Your email address will not be published. Required fields are marked *