kcr: అందరూ మేం చెప్పిన పంట మాత్రమే వేయాలి.. సమీక్షలో కేసీఆర్ – cm kcr reviews on aggriculture and civil supplies department at pragathi bhavan


తెలంగాణ రాష్ట్రం రైస్‌బౌల్‌ ఆఫ్‌ ఇండియాగా మారుతుందని ముఖ్యమంత్రి కేసీఆర్ అన్నారు. సాగునీటి వసతి పెరుగుతున్నందున రాష్ట్రంలో రికార్డు స్థాయిలో వరి పంట సాగవుతోందని.. పంట విస్తీర్ణం, దిగుబడి పెరుగుతున్నందున సరైన ధర వచ్చేందుకు సరైన వ్యూహాన్ని ఖరారు చేస్తున్నట్లు చెప్పారు. సీఎం కేసీఆర్ ప్రగతి భవన్‌లో వ్యవసాయం, పౌరసరఫరాలపై మంగళవారం సాయంత్రం సమీక్ష చేశారు. సంబంధిత మంత్రులు సహా ఆ శాఖల కార్యదర్శులు, ఉన్నతాధికారులు సమావేశంలో పాల్గొన్నారు. ధాన్యం కొనుగోళ్లు, రైతుల ఇబ్బందులు వంటి తదితర అంశాలపై సీఎం సమీక్షించారు.

ఈ సందర్భంగా సీఎం మాట్లాడుతూ.. ‘‘మిషన్‌కాకతీయ, 24 గంటల ఉచిత విద్యుత్‌ సరఫరా వంటి చర్యల వల్ల రాష్ట్రంలో సాగునీటి లభ్యత పెరిగింది. ప్రాజెక్టులు, చెరువులు, బోర్ల ద్వారా, కోటి 45 లక్షల ఎకరాల్లో రెండు పంటలు పండుతున్నాయి. మరో పది లక్షల ఎకరాల్లో మూడు పంటలు సైతం పండుతున్నాయి. ఇందులో ఎక్కువ శాతం వరి పంటే పండుతోంది. రాబోయే సంవత్సరాల్లో ప్రస్తుత పంటకన్నా రెట్టింపు మొత్తంలో దిగుబడి చేతికి వస్తుంది. అలా వచ్చిన దిగుబడులకు కచ్చితమైన మద్దతు ధర ఇచ్చే వ్యూహాన్ని ఖరారు చేయడం మన కర్తవ్యం.’’

Also Read:

డిసెంబర్ దాకా లాక్‌డౌన్‌ ఉండాలి.. లేదంటే.. ఎమ్మెల్యే సంచలన వ్యాఖ్యలు

ఆహార ప్రాసెసింగ్‌కు ప్రణాళికలు చేయాలి
వ్యవసాయశాఖ, పౌరసరఫరాల శాఖ, రైతు బంధుసమితులు ఈ దిశగా అడుగులు వేయాలి. ప్రస్తుత కరోనా కష్టకాలంలో రైతులు ఇబ్బంది పడొద్దనే ఉద్దేశంతో దేశంలో ఎక్కడా లేని విధంగా రాష్ట్రంలో ప్రతీ గింజా కొంటామని ప్రకటించాం. ఆ మేరకు కొనుగోళ్లు జరుగుతున్నాయి. భవిష్యత్తులో కూడా రైతులకు మద్ధతు ధర అందడంతో పాటు ప్రజలకు బియ్యం, పప్పులు, ఆహార దినుసులు తక్కువ ధరకు అందించేలా పౌరసరఫరాల సంస్థ కార్యకలాపాలు విస్తరించుకోవాలి. ధాన్యాన్ని కొనుగోలు చేసి వాటిని ప్రాసెసింగ్‌ యూనిట్ల ద్వారా బియ్యం, పప్పులు, వినియోగ సరుకులుగా మార్చి ప్రజలకు అందించాలి. దీనివల్ల ప్రజలకు తక్కువ ధరల్లో నాణ్యమైన ఆహార దినుసులు లభిస్తాయి.’’

Also Read:

6 ఆస్పత్రులు తిరిగి గర్భిణీ మృతి: HRC సీరియస్.. వారందరికీ నోటీసులు

నకిలీలపై కఠిన చర్యలు
‘‘భవిష్యత్తు అవసరాలకు అదనంగా మరో 40 లక్షల టన్నుల నిల్వ సామర్థ్యం కలిగిన గోదాములు, 2,500 రైతు వేదికలు నిర్మించాలి. రైతుబంధు సమితులను క్రియాశీలం చేసేందుకు అవసరమైన విధానాలు ఖరారు చేయాలి. జూన్‌ నెలకు సంబంధించిన ఎరువులు ప్రస్తుతం అందుబాటులో ఉన్నాయి. వాటిని కొనుగోలు చేయాలి. తెలంగాణలో 60 నుంచి 65 లక్షల మంది రైతులున్నారు. ఎంతో మంది వ్యవసాయాన్ని ఆధారం చేసుకుని జీవిస్తున్నారు. తెలంగాణ రాష్ట్రం వచ్చిన తరువాత టీఆర్‌ఎస్‌ ప్రభుత్వం ఆధ్వర్యంలో రైతు సంక్షేమం, వ్యవసాయాభివృద్ధికి అనేక చర్యలు తీసుకుంటుండడంతో పరిస్థితి కొంత మెరుగైంది. ఇంకా వ్యవసాయాభివృద్ధి కోసం రైతులకు మేలు చేయడం కోసం కృషి జరగాల్సి ఉంది. అందరూ ఒకే పంట వేయకుండా రైతులకు ఎక్కడ ఏం పంట వేయాలో మార్గ నిర్దేశనం చేయాలి. నకిలీ ఎరువులు, పురుగు మందులు, విత్తనాలు అమ్మేవారి విషయంలో ప్రభుత్వం కఠినంగా ఉంటుంది’’ అని సీఎం కేసీఆర్ అన్నారు.

Also Read:

తెలంగాణలో కరోనా పరీక్షలు తక్కువ చేస్తున్నారా? మంత్రి ఈటల స్పష్టత

ధాన్యం కొనుగోళ్లు, రైతుల ఇబ్బందులు, ఇతర అంశాలపై సీఎం సమీక్షించారు. ఈ సందర్భంగా సీఎం మాట్లాడుతూ… అదనంగా మరో 40 లక్షల టన్నుల నిల్వ సామర్థ్యం కలిగిన గోదాంలు, 2500 రైతు వేదికలు నిర్మించాలని అధికారులకు ఆదేశాలు జారీ చేశారు. రైతుబంధు సమితులను క్రియాశీలం చేసేందుకు అవసరమైన విధానాలు ఖరాలు చేయాలి. జూన్‌ నెలకు సంబంధించిన ఎరువులు ప్రస్తుతం అందుబాటులో ఉన్నందున రైతులు వాటిని కొనుగోలు చేయాలని సూచించారు.



Source link

Leave a Reply

Your email address will not be published. Required fields are marked *