kcr : ‘ఉద్యోగుల పొట్ట కొడతారా.. ప్రైవేట్ కంపెనీలూ అదే చేస్తే..!’ – congress mp komatireddy venkat reddy slams kcr over employees pay cut


రోనా వైరస్ లాక్‌డౌన్ నేపథ్యంలో ఉద్యోగులు, ప్రజా ప్రతినిధుల జీతాల్లో కోత విధిస్తూ సీఎం కేసీఆర్ తీసుకున్న నిర్ణయాన్ని కాంగ్రెస్ నేత, భువనగిరి ఎంపీ కోమటిరెడ్డి వెంకట రెడ్డి తీవ్రంగా తప్పుబట్టారు. ఉద్యోగుల పొట్ట మీద కొట్టడం సరైన పద్ధతి కాదంటూ ఆయన మండిపడ్డారు. ధనిక రాష్ట్రం అని చెబుతున్న తెలంగాణకు కేవలం 8 రోజుల్లోనే ఆర్థిక లోటు వచ్చిందా అని ఆయన ప్రశ్నించారు. ముఖ్యమంత్రి కేసీఆర్‌పై విమర్శలు కురిపించారు. కేసీఆర్ నిర్ణయాన్ని కాంగ్రెస్ పార్టీ తీవ్రంగా వ్యతిరేకిస్తుందని పేర్కొన్నారు. ఈ మేరకు మంగళవారం (మార్చి 31) ఆయన ఓ పత్రికా ప్రకటన విడుదల చేశారు.


ఆర్థిక లోటు పేరుతో ఉద్యోగుల జీతాల్లో కోత పెడుతూ కేసీఆర్ నిర్ణయం తీసుకున్నారని.. కేవలం 8 రోజుల లాక్‌డౌన్‌తో రాష్ట్రం ఆర్థిక లోటులో కూరుకుపోయిందా? అని కోమటిరెడ్డి వెంకటరెడ్డి నిలదీశారు. ఇప్పటివరకు కరోనా వైరస్‌ నియంత్రణ కోసం ఎంత ఖర్చు చేశారో చెప్పాలని ఆయన డిమాండ్ చేశారు. ధనిక రాష్ట్రం అని పదే పదే చెప్పుకునే ముఖ్యమంత్రి.. ఇప్పుడు ఆర్థిక లోటు అని చెప్పడం విడ్డూరంగా ఉందని ఎద్దేవా చేశారు.

Must Read:
వైన్స్ తెరుస్తారంటూ నకిలీ జీవో.. అస్సలు అనుమానం రాకుండా, ఆకతాయి అరెస్టు

లాక్‌డౌన్‌ కాలంలో ప్రైవేట్ సంస్థలు తమ ఉద్యోగులకు జీతాలు ఇవ్వాలని చెప్పిన సీఎం కేసీఆర్‌.. ఇప్పుడు చేస్తున్నదేంటని కోమటిరెడ్డి ప్రశ్నించారు. ఆయన బాటలోనే ప్రైవేట్ సంస్థలు కూడా నడిస్తే ఉద్యోగుల పరిస్థితి ఏంటని ప్రశ్నించారు. పింఛన్‌తో జీవితాన్ని గడుపుతున్న వారు కేసీఆర్ నిర్ణయంతో రోడ్డున పడతారని ఆగ్రహం వ్యక్తం చేశారు.

ముఖ్యమంత్రి కేసీఆర్ మిగులు రాష్ట్రంగా ఉన్న తెలంగాణను క్రమశిక్షణ లేకుండా అప్పుల రాష్ట్రంగా మార్చారని కోమటిరెడ్డి విమర్శించారు. రాష్ట్రంలోని ప్రభుత్వ ఉద్యోగులు, పింఛన్‌దారుల జీతాల్లో కోత విధిస్తూ తీసుకున్న నిర్ణయాన్ని సీఎం కేసీఆర్‌ మరోసారి సమీక్షించాలని సూచించారు. ప్రస్తుత ఆర్థిక లోటుపై వారంలోగా శ్వేత పత్రం విడుదల చేయాలని ఆయన డిమాండ్‌ చేశారు. రాష్ట్రంలో కరోనా వ్యాప్తి నియంత్రణకు కాంగ్రెస్‌ పార్టీ తన వంతు సహకారం అందిస్తుందని ఎంపీ కోమటిరెడ్డి పేర్కొన్నారు.

Also Read:
ఆ దుర్మార్గులకు కరోనా సోకాలి.. కేసీఆర్ శాపం





Source link

Leave a Reply

Your email address will not be published. Required fields are marked *