kcr: కరోనాతో కలిసి జీవించడం నేర్చుకోవాలి: కేసీఆర్ – telangana cm kcr interesting comments on coronavirus


తెలంగాణ రాష్ట్రంలో వివిధ అంశాలపై లాక్‌డౌన్ ఆంక్షలు ఎత్తివేస్తూ సంచలన నిర్ణయం ప్రకటించిన ముఖ్యమంత్రి కేసీఆర్.. కరోనా మహమ్మారిపై ఆసక్తికర వ్యాఖ్యలు చేశారు. కరోనా వైరస్‌తో కలిసి జీవించడం నేర్చుకోవాలని వ్యాఖ్యానించారు. కరోనా వైరస్ ఉందని నెలల తరబడి బతుకును బంద్ పెట్టుకొని ఇంట్లో కూర్చోలేమన్నారు. అందుకే ఆంక్షలు సడలిస్తున్నట్లు వివరించారు. కొవిడ్-19 జాగ్రత్తలు పాటిస్తూ కార్యకలాపాలు సాగించుకోవచ్చని స్పష్టం చేశారు. సోమవారం (మే 18) తెలంగాణ కేబినెట్ సమావేశం అనంతరం ఆయన మీడియా సమావేశంలో మాట్లాడారు.

వివిధ రాష్ట్రాల్లో పరిస్థితులను పరిశీలించిన తర్వాతే ఆంక్షలు సడలిస్తూ నిర్ణయం తీసుకున్నామని.. అనుకూల పద్ధతిని ఎంచుకున్నామని కేసీఆర్ వివరించారు. శాస్త్రవేత్తలు, వైద్య నిపుణుల అభిప్రాయం ప్రకారం.. కరోనా వైరస్‌కు ఇప్పుడప్పుడే వ్యాక్సిన్ వచ్చే పరిస్థితి కనిపించడంలేదని కేసీఆర్ చెప్పారు. తగిన జాగ్రత్తలు తీసుకుంటూ కార్యకలాపాలు యథావిధిగా కొనసాగించుకోవాల్సిన అవసరం ఉందని వ్యాఖ్యానించారు.

Must Read:తెలంగాణలో ఇక ఇవన్నీ ప్రారంభం..

ప్రభుత్వ, ప్రైవేట్ కార్యాలయాలు మంగళవారం నుంచి కార్యకలాపాలు సాగించుకోవచ్చని సీఎం కేసీఆర్ స్పష్టం చేశారు. పరిశ్రమలు, మాన్యుఫ్యాక్చరింగ్ యూనిట్లు, వివిధ షాపులు తెచుకుకోవడానికి గ్రీన్ సిగ్నల్ ఇచ్చారు. హైదరాబాద్ నగరం మినహా.. అన్ని ప్రాంతాల్లో దుకాణాలకు అనుమతి ఇస్తున్నట్లు కేసీఆర్ ప్రకటించారు.

హైదరాబాద్‌లో ఆల్టర్‌నేటివ్ విధానంలో షాపులు తెరుచుకోవచ్చని ముఖ్యమంత్రి తెలిపారు. సరి, బేసి విధానంలో షాపులు తెరుచుకోవడానికి అనుమతి ఉంటుందని.. ఇందుకు సంబంధించి జీహెచ్‌ఎంసీ కమిషనర్ మార్గదర్శకాలు విడుదల చేస్తారని వెల్లడించారు.

Also Read:చైనాకు మరోసారి కరోనా ముప్పు.. ఆందోళనకర లక్షణాలు



Source link

Leave a Reply

Your email address will not be published. Required fields are marked *