kcr: జగన్ కీలక నిర్ణయం.. కేసీఆర్‌కి మొదలైన తలనొప్పులు.. – telangana government employees urgs cm kcr to give full salary for may 2020


ఆంధ్రప్రదేశ్‌లో వైఎస్ జగన్ సర్కారు తీసుకున్న ముఖ్యమైన నిర్ణయంతో తెలంగాణలో సీఎం కేసీఆర్‌పై క్రమంగా ఒత్తిడి పెరుగుతోంది. కరోనా వైరస్ వల్ల విధించిన లాక్ డౌన్ నేపథ్యంలో ఇబ్బందులు పడుతున్న ప్రభుత్వ ఉద్యోగులకు జగన్ శుభవార్త చెప్పారు. లాక్ డౌన్ వల్ల ప్రభుత్వ ఉద్యోగుల జీతాల్లో రెండు నెలలుగా కోతలు విధిస్తున్న ప్రభుత్వం మే నెలకు మాత్రం పూర్తి జీతాలు చెల్లించాలని నిర్ణయించింది. దీనికి సంబంధించి సీఎం జగన్ అధికారులకు ఆదేశాలు కూడా ఇచ్చారు.

ప్రభుత్వ నిర్ణయం మేరకు ఉద్యోగులకు మే నెలలో జీతాలు మొత్తం ఇచ్చేయాలని ఆర్థిక శాఖ, ట్రెజరీకి ఆదేశాలు అందాయి. ఈ మేరకు ట్రెజరీ సాఫ్ట్ వేర్‌లో మార్పులు చేశారు. అయితే, జీతాలు, పింఛన్లలో విధించిన కోతలకు సంబంధించిన బకాయిలను ఎప్పుడు చెల్లిస్తారనే అంశంపై స్పష్టత లేదు.

ఈ నేపథ్యంలో ఏపీ ప్రభుత్వ నిర్ణయం ప్రభావం తెలంగాణపై పడింది. జగన్ పూర్తి జీతాల నిర్ణయంతో తెలంగాణ సీఎం కేసీఆర్ మీద ఒత్తిడి పెరిగింది. ఏపీలో ఉద్యోగులకు మే నెల వేతనాలు పూర్తిగా ఇవ్వాలని సీఎం జగన్ నిర్ణయించడంతో, తెలంగాణలో కూడా ఉద్యోగులు అలాగే చేయాలని కోరుతున్నారు. ఇందుకోసం తెలంగాణ ఉద్యోగుల జేఏసీ.. ప్రభుత్వ ప్రధాన కార్యదర్శి సోమేశ్ కుమార్‌కు లేఖ రాసింది. తెలంగాణలో క్రమంగా లాక్ డౌన్ సడలింపులు ఇచ్చినందున ఈ నెల ఒకటి నుంచి కొద్దొగొప్పో పనులు జరుగుతున్నందున మే నెలలో జీతాలు పూర్తిగా ఇవ్వాలని జేఏసీ కోరింది. మరి సీఎం కేసీఆర్ ఏ నిర్ణయం తీసుకుంటారన్న అంశం ఆసక్తికరంగా మారింది.

Also Read:

కేసీఆర్‌కు కరోనా కంటే కుమార్తె కవితే ఎక్కువ.. ఈసీకి రేవంత్ ఫిర్యాదు



Source link

Leave a Reply

Your email address will not be published. Required fields are marked *