kcr: మే 5లోగా ఆ రిపోర్టుతో రండి.. అధికారులకు కేసీఆర్ ఆదేశం – new aggriculture policy should bring in telangana says cm kcr


తెలంగాణలో నూతన వ్యవసాయ విధానం రావాల్సిన అవసరం ఉందని ముఖ్యమంత్రి కేసీఆర్ అన్నారు. రైతులు మంచి ఆదాయం పొందేందుకు గానూ.. తక్కువ శ్రమ, ఎక్కువ దిగుబడి, మార్కెట్‌ అవకాశాలు ఉండేలా పంటలను గుర్తించాలని అధికారులను ఆదేశించారు. రాష్ట్రంలోని ప్రజల ఆహార అలవాట్లకు తగినట్లు మార్కెట్‌లో డిమాండ్‌ ఉన్న పంటలను సాగు చేసేటట్లు రైతులకు సూచించాలని అన్నారు. కేవలం వరి పంట మాత్రమే కాకుండా ఇంకా ఎలాంటి పంటలు సాగు చేస్తే మేలు కలుగుతుందో అధ్యయనం చేయాలని, మే 5లోగా ప్రభుత్వానికి నివేదిక ఇవ్వాలని అధికారులను కేసీఆర్ ఆదేశించారు.

పౌరసరఫరాలు, వ్యవసాయశాఖలపై సీఎం కేసీఆర్‌ వరుసగా రెండో రోజు కూడా ప్రగతిభవన్‌లో సమీక్ష నిర్వహించారు. వ్యవసాయ మంత్రి సింగిరెడ్డి నిరంజన్‌రెడ్డి, పౌరసరఫరాల మంత్రి గంగుల కమలాకర్‌, సంబంధిత ఉన్నతాధికారులు ఈ రివ్యూలో పాల్గొన్నారు. తెలంగాణలో కొత్త వ్యవసాయ విధాన రూపొందించడం, పంట కొనుగోళ్లు, వర్షాలు, ఎరువులు, విత్తనాల సేకరణ తదితర అంశాలపై సీఎం సమీక్ష నిర్వహించారు.

Also Read:

మిగిలిన మటన్‌ను ఇలా కూడా అమ్ముతారా! సోదాల్లో షాకింగ్ నిజాలు

ఈ సందర్భంగా కేసీఆర్‌ మాట్లాడుతూ… ‘‘రాష్ట్రంలో 40 లక్షల టన్నుల నిల్వ సామర్థ్యం కలిగిన గోదాంల నిర్మాణం కోసం వెంటనే స్థలాలను గుర్తించాలి. కొత్తగా నిర్మించే గోదాముల్లో కోల్డ్‌ స్టోరేజీ సదుపాయం కల్పించాలి. వరిలో సన్న రకాలను ఎక్కువగా సాగుచేసే విధంగా రైతుల్లో చైతన్యం తేవాలి.’’ అని కేసీఆర్ అన్నారు.

నూతన వ్యవసాయ విధానం
రైతులంతా ఒకే పంట వేయడం వల్ల ధరలు కూడా సరిగ్గా రావు. తెలంగాణలో ఇలాంటి పరిస్థితి మారాలి. రైతులను సరిగ్గా నిర్దేశించగలిగితే లాభదాయక వ్యవసాయం చేస్తారు. పంట ఎంపికలు, సాగు పద్ధతులు, ఎరువుల వాడకం, మార్కెటింగ్‌లో మార్పులొస్తాయి. రాష్ట్రంలో కొత్త వ్యవసాయ విధానం రావాల్సిన అవసరం ఉంది. రైతులంతా ఒకే పంట కాకుండా వేర్వేరు పంటలు సాగు చేయాలని అలా అయితేనే అన్ని పంటలకు డిమాండ్‌ వస్తుంది.

samayam telugu

సమీక్షకు హాజరైన మంత్రులు, ఉన్నతాధికారులు

వేరుశనగ, కందులు, పామాయిల్‌ లాంటి వాటికి మార్కెట్‌లో డిమాండ్‌ ఉంది. వాటిని ఎన్ని ఎకరాల్లో పండించాలనే విషయం తేల్చాలి. రాష్ట్రంలో కూరగాయలు, పండ్లకు కూడా కొరత ఉంది. అవి ఏ మోతాదులో పండించాలి అనే విషయంపై అధ్యయనం జరగాలి. నీటి వసతి పెరిగినందున ఫిష్‌ కల్చర్‌ను తెలంగాణలో విస్తరించవచ్చా అనే విషయాన్ని కూడా అధ్యయనం చేయాలి. ఎరువుల వాడకం ఇప్పటిలానే ఉండాలా? మార్పులు అవసరమా? అనే విషయాలను కూడా పరిశీలించాలి’’ అని కేసీఆర్ అధికారులకు దిశా నిర్దేశం చేశారు.



Source link

Leave a Reply

Your email address will not be published. Required fields are marked *