kcr review on locust attack: మిడతల దాడి నిరోధానికి కేసీఆర్ పక్కా వ్యూహం.. అధికారులకు ఆదేశాలు – cm kcr orders official to take all precautions to stop locust swarm into telangana


మిడతల గుంపు తెలంగాణలోకి ప్రవేశించకుండా అన్ని జాగ్రత్త చర్యలు తీసుకోవాలని సీఎం కేసీఆర్ అధికారులను ఆదేశించారు. మిడతలు రాష్ట్రంలోకి వస్తే తీసుకోవాల్సిన చర్యలపైనా అధికారులను అప్రమత్తం చేశారు. మహారాష్ట్ర, ఛత్తీస్‌గఢ్ సరిహద్దుల్లో గల జిల్లాల కలెక్టర్లను, పోలీసు అధికారులను అప్రమత్తం చేసినట్లు, ఫైర్ ఇంజిన్లను, పెస్టిసైడ్లను సిద్ధంగా పెట్టినట్లు చెప్పారు. వ్యవసాయ అధికారులు, శాస్త్రవేత్తలు, నిపుణులతో ప్రగతిభవన్‌లో కేసీఆర్‌ సమీక్ష నిర్వహించారు.

నిపుణులు, అధికారులు సీఎంకు వివరించిన ప్రకారం.. ప్రస్తుతం మహారాష్ట్ర, మధ్యప్రదేశ్ సరిహద్దులో గల మిడతల దండును సంహరించేందుకు గోండియా ప్రాంతంలో పెద్ద ఎత్తున ప్రయత్నాలు జరుగుతున్నాయి. అక్కడ కోట్ల సంఖ్యలో మిడతలను చంపగలిగారు. అయినా మిగిలిన కొన్ని మిడతలు మధ్యప్రదేశ్ మీదుగా పంజాబ్ వైపు వెళ్లే అవకాశాలున్నట్లు అంచనాలున్నాయి.

అక్కడి నుంచి ఉత్తర భారతదేశంవైపు ప్రయాణించి పంజాబ్ వైపు వెళ్లే అవకాశాలు ఎక్కువ ఉన్నాయని నిపుణులు అంచనా వేస్తున్నారు. గాలివాటం ప్రకారం ప్రయాణించే అలవాటున్న మిడతల దండు, ఒకవేళ గాలి దక్షిణం వైపు మళ్లితే ఛత్తీస్‌గఢ్ మీదుగా తెలంగాణ వైపు వచ్చే అవకాశాలు కొన్ని ఉన్నాయని తేల్చారు.

‘‘గాలి మరలి ఛత్తీస్‌గఢ్ మీదుగా తెలంగాణవైపు కూడా రావచ్చు. అందుకే మిడతల దండు తెలంగాణ వైపు రాకుండా అన్ని చర్యలు తీసుకోవాలి. మహారాష్ట్ర, ఛత్తీస్‌గఢ్ సరిహద్దుల్లో పూర్తి అప్రమత్తంగా ఉండాలి. సరిహద్దుల్లోనే వాటిని పెద్ద ఎత్తున పురుగుల మందు పిచికారి చేసి సంహరించాలి’’ అని సీఎం అధికారులకు సూచించారు.

Must Read:

ప్లాస్టిక్‌తో పాల తయారీ, అమ్మకం.. దిమ్మతిరిగేలా కల్తీ.. సంచలన గుట్టు వెలుగులోకి

Also Read:

తెలంగాణలో తీవ్ర స్థాయిలో కరోనా.. ఒకేరోజు 117 కేసులు, నలుగురి మృతి



Source link

Leave a Reply

Your email address will not be published. Required fields are marked *