Kerala Corona Cases: కేరళలో మళ్లీ 100 దాటిన యాక్టివ్ కేసులు – kerala’s active coronavirus cases cross 100 again


కేరళలో కరోనా కేసులు తగ్గినట్టే కనిపించినా.. ఒక్కసారిగా మళ్లీ పెరిగాయి. ఆదివారం (మే 17) ఆ రాష్ట్రంలో కొత్తగా 14 కరోనా పాజిటివ్ కేసులు నిర్ధారణ అయ్యాయి. దీంతో రాష్ట్రంలో యాక్టివ్ కేసుల సంఖ్య 100 మార్క్ దాటింది. 10 రోజుల కిందట రాష్ట్రంలో యాక్టివ్ కేసులు సంఖ్య 16 మాత్రమే ఉండగా.. ఆదివారం నాటికి ఆ సంఖ్య 101కి చేరుకుంది. దేశంలోని ఇతర ప్రాంతాల నుంచి వస్తున్న వలస కూలీలు, విద్యార్థులు, విదేశాల నుంచి వచ్చిన వారిలో కొంత మందికి కరోనా పాజిటివ్‌గా తేలింది. దీంతో ఈ కరోనా కేసులు సంఖ్య పెరుగుతోంది.

భారత్‌లో మొట్టమొదటి కరోనా కేసు కేరళలోనే నమోదైనప్పటికీ ఆ రాష్ట్ర ప్రభుత్వం తీసుకున్న కట్టుదిట్టమైన చర్యలతో వైరస్ నియంత్రణలోకి వచ్చింది. రెండు వారాల కిందట వరసగా కొన్ని రోజుల పాటు కొత్తగా కేసులేమీ నమోదు కాలేదు. దీనికి తోడు డిశ్చార్జ్ అవుతున్న వారి సంఖ్య పెరుగుతుండటంతో అతి త్వరలోనే కరోనా ఫ్రీ స్టేట్‌గా కేరళ అవతరిస్తుందని కేరళ వాసులు భావించారు. కానీ, వందే భారత్ మిషన్, శ్రామిక్ రైళ్లు మొదలైన తర్వాత కేరళలో మళ్లీ పదుల సంఖ్యలో కరోనా కేసులు నమోదవుతున్నాయి.

శనివారం కొత్తగా 11 కేసులు నమోదు కాగా.. ఆదివారం 14 కేసులు నమోదయ్యాయి. ఇప్పటివరకు రాష్ట్రంలో కరోనా నుంచి కోలుకొని 497 మంది డిశ్చార్జ్ అయ్యారు. ఆదివారం ఏ ఒక్కరూ డిశ్చార్జ్ కాలేదని కేరళ వైద్య, ఆరోగ్య శాఖ వెల్లడించింది. రాష్ట్రంలో ఆదివారం మరిన్ని ప్రాంతాలను కంటెయిన్‌మెంట్ జోన్లుగా ప్రకటించారు. ప్రస్తుతం రాష్ట్రంలో 23 కంటెయిన్‌మెంట్ జోన్లు ఉన్నాయి.

Also Read:దీన్ని దొంగతనం అందామా? కంటతడి పెట్టిస్తున్న వలస కూలీ లేఖ!



Source link

Leave a Reply

Your email address will not be published. Required fields are marked *