kidney infection causes: కిడ్నీ ఇన్ఫెక్షన్లు ఎలా ఏర్పడతాయి? నివారణ మార్గాలేమిటీ? – urinary tract infection causes, signs, symptoms and prevention


రీరంలో ముఖ్యమైన అవయవాల్లో కిడ్నీలు (మూత్రపిండాలు) కూడా ఒకటి. ఇవి సక్రమంగా పనిచేస్తే.. శరీర అవయవాలు కూడా చక్కగా పనిచేస్తాయి. కిడ్నీలకు ఏ చిన్న సమస్య వచ్చినా శరీరమంతా మలినమైపోతుంది. ఎందుకంటే.. మూత్రపిండాలు రక్తంతోపాటు శరీరాన్ని మొత్తం శుభ్రంగా ఉంచడంలో కీలక పాత్ర పోషిస్తాయి. వాటికి ఎలాంటి సమస్య రాకుండా చూసుకోవడం మన చేతుల్లోనే ఉంది. కరోనా వైరస్ నేపథ్యంలో ఆరోగ్యంపై మరింత అప్రమత్తంగా ఉండాలి. ముఖ్యంగా కిడ్నీ వ్యాధిగ్రస్తులు ఎంతో జాగ్రత్తగా ఉండాలి. శరీరంలో ఏ ఒక్క భాగం ఇన్ఫెక్షన్‌కు గురైనా ఆ ప్రభావం మూత్రపిండాలపై పడుతుంది.

ఇన్ఫెక్షన్లు ఎలా సోకుతాయి?:
శరీరంలో ఎక్కడైనా ఇన్ఫెక్షన్ సోకితే.. అది రక్తం ద్వారా క్రమేనా మూత్రపిండాలకు చేరుతుంది. దీంతో మూత్రపిండాలు సైతం ఇన్ఫెక్షన్‌కు గురవ్వుతాయి. వీటినే యూరినరీ ట్రాక్ట్ ఇన్ఫెక్షన్ (UTI) అని అంటారు. మూత్రం వెళ్లే మార్గంలో రాళ్లు, ఇతరాత్ర అడ్డంకుల వల్ల కూడా ఇన్ఫెక్షన్లు ఏర్పడే ప్రమాదం ఉంది. అలాగే టీబీ వ్యాధి వల్ల కూడా ఇన్ఫెక్షన్లు ఏర్పడతాయి. కొందరికి పుట్టకతో వచ్చే ఇన్ఫెక్షన్లు కూడా ఈ సమస్యకు దారితీస్తాయి.

కిడ్నీ ఫెయిల్యూర్‌కు దారితీయొచ్చు: కిడ్నీలు సక్రమంగా పనిచేయకపోతే శరీరంలోకి చేరే వ్యర్థాలు, విషతుల్యాలు శుభ్రం కావు. మూత్ర నాళాల ద్వారా బ్యాక్టీరియా ప్రవేశించినట్లయితే కిడ్నీలు ఇన్ఫెక్షన్‌కు గురవుతాయి. అయితే, వీటిని అంత త్వరగా గుర్తుపట్టలేము. ఇన్ఫెక్షన్లకు తగిన సమయంలో చికిత్స అందనట్లయితే కిడ్నీల్లో రాళ్లు ఏర్పడవచ్చు. దీనివల్ల కిడ్నీ ఫెయిలయ్యే అవకాశాలు కూడా ఎక్కువే.

మహిళల్లోనే ఎక్కువ: కిడ్నీ ఇన్ఫెక్షన్లు ఎక్కువగా పిల్లలు, మహిళల్లోనే వస్తాయి. పుట్టుకతో వచ్చే లోపాల వల్ల పిల్లల్లో ఇన్ఫెక్షన్ ఏర్పడుతుంది. మహిళల్లో రజస్వల సమయంలో, ప్రసూతి సమయంలోనూ ఇన్ఫెక్షన్లు ఏర్పడతాయి. ఈ ఇన్ఫెక్షన్లతో గర్భిణీలు చాలా జాగ్రత్తగా ఉండాలి. ముఖ్యంగా నెలల సమయంలో ఏర్పడే ఇన్ఫెక్షన్లు చాలా ప్రమాదకరం. దీనివల్ల గర్భస్రావం అవకాశాలున్నాయి.

Also Read: ఇయర్ ఫోన్స్ అతిగా వాడుతున్నారా? మీ చెవులూ ఇలాగే మారిపోతాయ్, జాగ్రత్త!

ఇవీ లక్షణాలు:
✺ తలనొప్పి ఎక్కువగా వస్తుంది.
✺ ఆకలి వేయదు, కడుపు నొప్పి ఎక్కువగా వస్తుంది.
✺ కడుపు నుంచి తొడ వరకు నొప్పి పాకుతుంది.
✺ జ్వరం ఎక్కువగా వస్తుంది.
✺ అతిగా మూత్రం విసర్జన, మూత్రం మంట వస్తుంది.
✺ కిడ్నీలు శరీరం వెనుక వెన్నుపూసకు ఇరువైపులా ఉంటాయి. కిడ్నీలకు సమస్య వస్తే నడుం నొప్పి వస్తుంది. తరచుగా నడుం నొప్పి వస్తే తప్పకుండా వైద్యులను సంప్రదించాలి.
✺ పిల్లల్లో ఆకలి లేకపోవడం, పెరుగుదల లేకపోయినా, పదే పదే జ్వరం వచ్చి వైద్యులను సంప్రదించాలి.
✺ మూత్ర విసర్జన చేస్తున్నప్పుడు నొప్పిగా ఉన్నా, కడుపు నొప్పి తీవ్రంగా ఉన్నా కిడ్నీల సమస్యగా గుర్తించాలి.
✺ మూత్రం దుర్వాసన వస్తున్నట్లయితే నిర్లక్ష్యం చేయొద్దు. ఇన్ఫెక్షన్ వల్ల ఏర్పడే పస్‌సెల్స్ మూత్రంలో కలవడం వల్ల ఈ వాసన వస్తుంది.
✺ మూత్ర విసర్జన సమయంలో రక్తం వస్తుంది.

Also Read: గొంగళి పురుగుతో వయాగ్రా.. మొండి రోగాలను మాయం చేసే దివ్యౌషధం

ఎలా గుర్తించవచ్చు? నివారణ మార్గాలేమిటీ?
✺ రక్త పరీక్షలు, మూత్ర పరీక్షల ద్వారా ఈ ఇన్ఫెక్షన్లను గుర్తించవచ్చు.
✺ స్కానింగ్, IVP పరీక్షల్లో ఇన్ఫెక్షన్ సోకిన ప్రాంతాన్ని గుర్తిస్తారు.
✺ కిడ్నీ ఇన్ఫెక్షన్ సమస్యతో ఉన్నవాళ్లు నీళ్లు, ద్రవ పదార్థాలను తీసుకోవాలి.
✺ విశ్రాంతి ఎక్కువగా తీసుకోవాలి.
✺ ఇన్ఫెక్షన్ సోకినప్పుడు వైద్యులు సూచించిన యాంటిబయోటిక్స్ మాత్రమే వాడాలి.
✺ పరిశుభ్రంగా ఉండాలి. విసర్జన తర్వాత వాటిని బాగా శుభ్రం చేసుకోవాలి.



Source link

Leave a Reply

Your email address will not be published. Required fields are marked *