Kisan Credit Card: రైతులకు కేంద్రం శుభవార్త… కిసాన్ కార్డు దారులకు రుణాలు – kisan credit card holders sanctioned with loan limit of rs 25,000 cr


ప్రధాని నరేంద్ర మోడీ ప్రకటించిన భారీ ఆర్ధిక ప్యాకేజికి సంబంధించి ఇవాళ కేంద్ర ఆర్ధిక శాఖా మంత్రి నిర్మలా సీతారామన్ మరికొన్ని కీలక వివరాల్ని వెల్లడించారు. నిన్న చిన్న మధ్య తరగతి కంపెనీలకు రాయితీలు ఇచ్చిన నిర్మల ఇవాళ రైతులపై తన ప్రేమను చాటుకున్నారు. . వలస కార్మికులు, వీధి వ్యాపారులు, స్వయం ఉపాధి, చిన్న, సన్నకారు రైతులు, ముద్ర యోజన, హౌసింగ్‌, ఉద్యోగ కల్పన తదితర అంశాలకు సంబంధించిన పలు కేటాయింపులు చేశారు.

మార్చి, ఏప్రిల్‌లో రైతులకు రూ 86,600 కోట్ల రుణాల ఆమోదం తెలిపింది. చిన్నసన్నకారు రైతులకు రూ. 4 లక్షల కోట్ల రుణాల మంజూరు చేస్తున్నట్లు ప్రకటించారు. 25 లక్షల మంది నూతన కిసాన్‌ కార్డుదారులకు రూ 25,000 కోట్ల రుణం అందించామన్నారు.
వ్యవసాయ ఉత్పత్తుల సేకరణకు రాష్ట్రాలకు రూ .6700 కోట్లు కేటాయింపులు చేశారు. నాబార్డు ద్వారా 29,500 గ్రామీణ బ్యాంకులకు నిధులు మంజూరు చేశారు. చిన్న వ్యాపారులను ఆదుకునేందుకు వివిధ పథకాలు తీసుకొచ్చామన్నారు. రైతులు,పేదల కోసం 9 పాయింట్‌ ఫార్ములా ఫాలో అవుతన్నామన్నారు. రైతులను ఆదుకునేందుకు ప్యాకేజ్‌లో రెండు పథకాలు ఉన్నాయన్నారు నిర్మల.

సన్నకారు రైతులకు తక్కువ వడ్డీకే రుణాలు కల్పిస్తామన్నారు. రైతులకు మరిన్ని పథకాలు కొనసాగుతాయన్నారు. రైతులు గ్రామీణ ఆర్థిక వ్యవస్థకు అందుబాటులో నగదు ఉండేలా చర్యలు తీసుకుంటామననారు. గ్రామీణ మౌలిక వసతులకు రూ 4200 కోట్లు కేటాయించామన్నారు. ఎస్‌ఆర్‌డీఎఫ్‌ కింద 11,002 కోట్ల నిధులు మంజూరు చేశామన్నారు. సకాలంలో రుణాలు చెల్లించే రైతులకు మే 31 వరకు వడ్డీ రాయితీ పొడిగిస్తున్నామన్నారు. అదే విధంగా చిన్న సన్న కారు రైతులకు తక్కువ వడ్డీ రేటుకే రుణాలు గిరిజనులకు ఉపాధి అవకాశాలపై ప్రత్యేక దృష్టి సారిస్తున్నామన్నారు.

మార్చి 1వ తేదీ నుంచి ఏప్రిల్‌ 30వ తేదీ వరకు మూడు కోట్ల మంది రైతులకు రూ.86,600 కోట్లు చౌకగా రుణాలు ఇచ్చామన్నారు. దేశంలో 3 కోట్ల మంది రైతులకు రూ.4.22లక్షల కోట్ల రుణాలు ఇప్పటికే మంజూరుచేశామని తెలిపారు. ఈ రుణాలపై మూడు నెలల మారటోరియం కల్పిస్తున్నామన్నారు ఆర్థిక మంత్రి. గ్రామీణ బ్యాంకులు, సహకార బ్యాంకులకు మార్చిలో 29,500 కోట్లు ప్రభుత్వం రీఫైనాన్స్‌ చేసిందన్నారు. ఇంతటితో వ్యవసాయరంగానికి సాయం ముగిసినట్టు కాదన్నారు నిర్మల. మరిన్ని పథకాలు రైతుల కోసం కొనసాగుతాయన్నారు.



Source link

Leave a Reply

Your email address will not be published. Required fields are marked *