Kisan Credit Card loan: రైతులకు కేంద్రం గుడ్ న్యూస్.. రూ.2 లక్షల కోట్ల రుణాలు! – rs 2 lakh crore institutional credit will be made available to small farmers: fm nirmala sitharaman


ప్రధానాంశాలు:

  • రైతులకు కేంద్ర ప్రభుత్వం తీపికబురు
  • రూ.2 లక్షల కోట్లు రుణాలు అందుబాటులో
  • నిర్మలా సీతారామన్ ప్రకటన

మోదీ సర్కార్ అన్నదాతలకు తీపికబురు అందించింది. రైతులకు ఏకంగా రూ.2 లక్షల కోట్ల రుణాలు అందుబాటులో ఉంచుతున్నామని కేంద్ర ఆర్థిక మంత్రి నిర్మలా సీతారామన్ ప్రకటించారు. దీంతో 2.5 కోట్ల మందికి ప్రయోజనం కలుగుతుందన్నారు. కిసాన్ క్రెడిట్ కార్డు స్కీమ్ కింద ఈ రుణాలు అందిస్తామని పేర్కొన్నారు. అలాగే ఎక్కువ మంది రైతులు ఈ స్కీమ్‌‌లో చేరేలా చర్యలు తీసుకుంటామని తెలిపారు.

నాబార్డు ద్వారా రూ.30 వేల కోట్ల ఎమర్జెన్సీ వర్కింగ్ క్యాపిటల్ ఫండ్‌ను రైతులకు అందిస్తామని నిర్మలమ్మ తెలిపారు. రూ.90 వేల కోట్ల వార్షిక కేటాయింపులకు ఇది అదనమని పేర్కొన్నారు. ఇంకా కచ్చితంగా తీసుకున్న లోన్స్‌ను తిరిగి చెల్లిస్తున్న రైతులకు వడ్డీ తగ్గింపుతో అందించే రుణాలను మే 31 వరకు పొడిగిస్తున్నామని నిర్మలా సీతారామన్ తెలిపారు.

Also Read: SBI డెబిట్ కార్డు వాడుతున్న వారికి హెచ్చరిక? బ్యాంక్ స్ట్రాంగ్ వార్నింగ్!

అలాగే ప్రభుత్వం అద్దెకు ఉంటున్న వారికి శుభవార్త అందించింది. పట్టణాల్లోని పేదలకు, వలస కార్మికుల కోసం అందుబాటులోనే అద్దె ఉండేలా చూసేందుకు కొత్త స్కీమ్‌ను అందుబాటులోకి తీసుకువస్తామని కేంద్ర ఆర్థిక మంత్రి నిర్మలా సీతారామన్ ప్రకటించారు. పథకం వివరాలను కేంద్ర ప్రభుత్వం త్వరలోనే వెల్లడించనుంది. పీపీపీ మోడల్ కింద పట్టణాల్లో హౌసింగ్ ప్రాజెక్టులను నిర్మిస్తామని నిర్మలమ్మ తెలిపారు. వీటిని ఆఫర్డబుల్ రెంటల్ హౌసింగ్ ప్రాజెక్ట్‌లుగా మారుస్తామని పేర్కొన్నారు.

అలాగే నిర్మలా సీతారామన్ తాజాగా ఇంటి కొనుగోలుదారులకు శుభవార్త అందించారు. హోమ్ లోన్‌పై మధ్యతరగతి ప్రజలు మళ్లీ సబ్సిడీ స్కీమ్‌ను అందుబాటులోకి తీసుకువచ్చారు. మోదీ సర్కార్ తాజాగా ప్రధాన్ మంత్రి ఆవాస్ యోజన (పీఎంఏవై) క్రెడిట్ లింక్డ్ సబ్సిడీ స్కీమ్‌ను (ఎంఐజీ 1, ఎంఐజీ 2) మరి కొంత కాలం పొడిగించింది. వచ్చే ఏడాది మార్చి 31 వరకు ఈ స్కీమ్ అందుబాటులో ఉంటుంది. సాధారణంగా ఈ స్కీమ్ గడువు మార్చి 31తోనే ముగిసింది.

Also Read: అదిరిపోయే స్కీమ్: చేతికి ఒకేసారి రూ.45 లక్షలు.. ఇంకా ప్రతి నెలా రూ.20,000 పెన్షన్!

స్ట్రీట్ వెండర్లకు (వీధి వ్యాపారులు) ఆమె తీపికబురు తీసుకువచ్చారు. 50 లక్షల మందికి రూ.5,000 కోట్ల నిధులు అందిస్తున్నామని పేర్కొన్నారు. వీరికి ఏదైనా వ్యాపారం చేసుకోవడానికి మూలధనంగా రూ.10,000 వరకు రుణం అందిస్తామని తెలిపారు. నెల రోజుల్లో ఈ సౌకర్యాన్ని అందుబాటులోకి తీసుకువస్తామని పేర్కొన్నారు.

వలస కార్మికులకు ఉచితంగానే 2 నెలలపాటు రేషన్ అందిస్తామని నిర్మలమ్మ తెలిపారు. ఒకవేళ రేషన్ కార్డు లేకపోతే.. వారికి కూడా 5 కేజీల గోధుమలు అందిస్తామని పేర్కొన్నారు. దీని కోసం రాష్ట్ర ప్రభుత్వాలతో కలిసి పనిచేస్తామన్నారు. తాజా నిర్ణయం వల్ల 8 కోట్ల మంది వలస కార్మికులకు ప్రయోజనం కలుగుతుందని తెలిపారు. కేంద్రం రూ.3,500 కోట్లు భరిస్తుందని పేర్కొన్నారు.



Source link

Leave a Reply

Your email address will not be published. Required fields are marked *