kissing right side: ముద్దు పెట్టుకొనేప్పుడు తలను కుడి వైపుకు ఎందుకు వాల్చుతారో తెలుసా? – why most of us lean to the right when we kiss


ముద్దంటే ఇష్టంలేనివారు ఎవరుంటారు చెప్పండి. అయితే, మీరు గమనించారో లేదో.. ముద్దు పెట్టుకొనేప్పుడు ఎక్కువ మంది తమ తలను కుడి వైపుకు వాల్చుతారు. అయితే, ఇది ఎవరూ కావాలని చేయరు. దానికదే జరిగిపోతుంది. చాలా మంది అసంకల్పితంగానే తలను కుడి వైపు తిప్పుతుంటారు. మరి ఇలా ఎందుకు జరుగుతుందో తెలుసా?

ముగ్గురిలో ఇద్దరు మాత్రమే: మీ జీవిత భాగస్వామి లేదా ప్రియురాలితో పెదవులు కలిపే వేళ.. మీ తలను తెలియకుండానే కుడివైపు వాల్చేస్తారు. గాఢ చుంబనంలో తలను అటూ ఇటూ తిప్పుతూ ముద్దును ఆస్వాదిస్తారు. ముద్దులోని మాధుర్యాన్ని రుచి చూస్తారు. ప్రపంచంలో ప్రతి ముగ్గురిలో ఇద్దరు మాత్రమే ఇలా తలను కుడి వైపుకు వాల్చి ముద్దు పెడతారు. అయితే, ఇది ముద్దు పెట్టుకొనే పార్టనర్ మీద కూడా ఆధారపడి ఉంటుంది. అవతలి వ్యక్తి ముందుగా ఎటు తలతప్పితే అటు తలను వాల్చి ముద్దు పెట్టుకుంటారు.

Also Read: శోభనం పాలు.. వయాగ్రా కంటే పవర్‌ఫుల్, ఎలాగో తెలుసా?

48 జంటలపై పరిశోధన:
ముద్దు పెట్టుకొనేప్పుడు కుడి వైపుకు తల ఎందుకు వాలుస్తారనే విషయాన్ని తెలుసుకొనేందుకు బంగ్లాదేశ్‌లోని ఢాకా యూనివర్సిటీ, బ్రిటన్‌కు చెందిన బాత్ యూనివర్సిటీ, బాత్ స్పా సంయుక్తంగా 48 జంటలపై పరిశోధన చేపట్టాయి. పార్టనర్ తలను పక్కకు వంచడంతో అతడికి లేదా ఆమెకు ఇబ్బంది వాటిల్లకుండా ఉండటం కోసం ఎదుటి వ్యక్తి కూడా అసంకల్పితంగానే తమ తలను కూడా కుడి వైపు వంచుతున్నారని తెలుసుకున్నారు.

Also Read: గొంగళి పురుగుతో వయాగ్రా.. మొండి రోగాలను మాయం చేసే దివ్యౌషధం

ఆ నిర్ణయం మెదడుదే:
ముద్దు పెట్టుకోవడం వంటి భావోద్వేగాలు, నిర్ణయాలు తీసుకోవడం మస్తిష్కంలోని ఎడమ అర్ధభాగం పరిధిలో ఉంటాయి. టెస్టోస్టిరాన్ లాంటి హార్మోన్ స్థాయిలు, న్యూరో ట్రాన్స్‌మీటర్లు మస్తిష్కంలోని ఒక్కో అర్ధ భాగంలో ఒక్కోలా పంపిణీ అవుతాయి. అందుకే ఎక్కువ మంది ముద్దు పెట్టుకునేటప్పుడు తమ తలను కుడివైపు తిప్పుతారని పరిశోధకులు తెలిపారు. శిశువు తల్లి గర్భంలో ఉన్నప్పుడు కుడి వైపు తిరగడానికే మొగ్గు చూపుతుంది. మనలో ఎక్కువ మంది కుడి చేయి, కుడి కాలును అతిగా వాడటం వెనుక కారణం కూడా అదే అని ఈ పరిశోధనలో పాల్గొన్న డాక్టర్ రిజాల్ కరీం తెలిపారు. ఆడవాళ్లతో పోలిస్తే మగావాళ్లే 15 రెట్లు ఎక్కువగా ముద్దాడటానికి చొరవ చూపుతారని పేర్కొన్నారు.



Source link

Leave a Reply

Your email address will not be published. Required fields are marked *