kl rahul: కేఎల్ రాహుల్ క్రికెట్ బ్యాట్ వేలం.. రూ. 2,64,228 – indian cricketer kl rahul’s 2019 world cup bat fetches rs 2,64,228


భారత స్టార్ క్రికెటర్ కేఎల్ రాహుల్ ఓ మంచి పని కోసం తాను 2019‌ వరల్డ్‌కప్‌లో వినియోగించిన బ్యాట్‌ని వేలానికి ఇచ్చాడు. గత వారం 28వ పుట్టినరోజు వేడుకలు జరుపుకున్న కేఎల్ రాహుల్.. ‘‘అవేర్ ఫౌండేషన్‌’’ నిధుల సమీకరణలో భాగంగా ఆ బ్యాట్‌ని వేలం కోసం భారత్ ఆర్మీకి ఇచ్చాడు. ఈ ఫౌండేషన్ నిర్భాగ్యులైన పిల్లల సంరక్షణ బాధ్యతలు చూస్తుంటుంది. వేలంలో కేఎల్ రాహుల్ బ్యాట్ రూ. 2,64,228కి అమ్ముడుపోయింది.

Read More: ధోనీ అండర్‌ గ్రౌండ్‌లో.. డైరెక్ట్ వెళ్లి అడిగేయండి: రోహిత్ శర్మ

బ్యాట్‌తో పాటు ఫ్యాడ్లు, హెల్మెట్, గ్లోవ్స్‌, జెర్సీలను కూడా భారత్ ఆర్మీకి కేఎల్ రాహుల్ అందించాడు. దీంతో.. వారు అవన్నీ వేలానికి పెట్టగా.. హెల్మెట్ రూ. 1,22,677, ఫ్యాడ్స్ రూ. 33,028, వన్డే జెర్సీ రూ.1,13,240, టీ20 జెర్సీ రూ. 1,04,842, టెస్టు జెర్సీ రూ. 1,32,774, గ్లోవ్స్ రూ. 28,782కి అమ్ముడుపోయాయి. ఈ మొత్తాన్ని భారత్ ఆర్మీ ‘‘అవేర్ ఫౌండేషన్‌’’కి అందజేయనుంది. జెర్సీలు, బ్యాట్‌పై కేఎల్ రాహుల్ సంతకం చేసి మరీ భారత్ ఆర్మీకి ఇచ్చాడు.

Read More: ఐపీఎల్‌లో RCB టీమ్‌ని వీడే ప్రస్తక్తే లేదు: విరాట్ కోహ్లీ

ఐపీఎల్ 2020 సీజన్‌కి కింగ్స్ ఎలెవన్ పంజాబ్ టీమ్‌ కెప్టెన్‌గా కేఎల్ రాహుల్ ఎంపికయ్యాడు. కానీ.. కరోనా వైరస్ కారణంగా ఐపీఎల్ టోర్నీ నిరవధికంగా వాయిదాపడగా.. ఈ ఏడాది ఆరంభం నుంచి టీమిండియా వన్డే, టీ20 జట్టులో రెగ్యులర్‌ ఆటగాడిగా కేఎల్ రాహుల్ మారిపోయాడు. ఎంతలా అంటే..? ఫస్ట్ ఛాయిస్ వికెట్ కీపర్ రిషబ్ పంత్‌ని సైతం పక్కనపెట్టి.. కీపర్‌గా రాహుల్‌కి టీమిండియా మేనేజ్‌మెంట్ అవకాశమిస్తోంది.



Source link

Leave a Reply

Your email address will not be published. Required fields are marked *