kolkata wife murder : భార్యని వేటాడిన మత్స్యకారుడు.. ఆపై సూసైడ్.. దారుణం – man kills wife, hangs self over extramarital affair in west bengal


తన భార్యకి వేరొకరితో వివాహేతర సంబంధం ఉందన్న అనుమానంతో దారుణంగా చంపేశాడో కసాయి భర్త. అనంతరం తాను ఉరివేసుకుని ఆత్మహత్య చేసుకున్నాడు. దీంతో వారి ఇద్దరు టీనేజ్ పిల్లలు అనాథలుగా మారిన విషాద సంఘటన పశ్చిమ బెంగాల్‌లో చోటుచేసుకుంది. 24 పరగణాల జిల్లాలోని కుల్తాలికి చెందిన మత్స్యకారుడు భీమ్ హల్దార్(33), భార్య శకుంతల(29), తన ఇద్దరు పిల్లలతో కలసి నివాసముంటున్నాడు.


గత కొద్దికాలంగా భార్యపై అనుమానం పెంచుకున్న భీమ్ భార్యని చంపేయాలని నిర్ణయించుకున్నాడు. కత్తితో దారుణంగా పొడిచి భార్య శకుంతలని అంతమొందించాడు. అనంతరం ఇంటికి సమీపంలోని చెట్టుకు ఉరివేసుకుని ఆత్మహత్య చేసుకున్నాడు. అనుమానంతో భార్యని చంపేసి భర్త ఆత్మహత్య చేసుకోవడం గ్రామంలో తీవ్ర విషాదం నింపింది.

Also Read:
అత్తారింటి పైనుంచి దూకేసిన అల్లుడు.. కొడుకుతో సహా.. సూసైడ్‌ నోట్‌లో షాకింగ్..

గ్రామస్థుల సమాచారం మేరకు పోలీసులు సంఘటన స్థలానికి చేరుకుని మృతదేహాలను పోస్టుమార్టంకి తరలించారు. కేసు నమోదు చేసుకుని దర్యాప్తు చేస్తున్నారు. తల్లిదండ్రుల మరణంతో వారి ఇద్దరు పిల్లలు అనాథలుగా మిగిలారు. అయితే ఈ ఘటన రాజకీయ రంగు పులుముకోవడం విశేషం. అధికార టీఎంసీ, బీజేపీ మధ్య మాటల యుద్ధం నడుస్తోంది. మృతురాలు శకుంతల గతంలో జరిగిన పంచాయతీ ఎన్నికల్లో బీజేపీ తరఫున పోటీ చేసి ఓటమిపాలైంది.

బీజేపీ తరఫున పోటీ చేసిందన్న అక్కసుతోనే అధికార టీఎంసీ నేతలు ఆమెను దారుణంగా చంపేశారని ఆ పార్టీ రాష్ట్ర కమిటీ సభ్యుడు సునిప్ దాస్ ఆరోపణలు గుప్పించారు. అయితే వాటిని అధికార తృణమూల్‌ కాంగ్రెస్ పార్టీ నేతలు కొట్టిపారేశారు. అనవసరంగా నిరాధార ఆరోపణలు చేస్తున్నారని.. దంపతుల మరణం వెనుక రాజకీయాల్లేవని జిల్లా పరిషత్ సభ్యుడు, టీఎంసీ నేత గణేష్ మొండల్ స్పష్టం చేశారు.

Read Also:
గప్‌చుప్‌గా కూతురిని చంపి తగలెట్టేసిన రాక్షసుడు.. నిజం తెలిసి షాక్‌కి గురైన పోలీసులు





Source link

Leave a Reply

Your email address will not be published. Required fields are marked *