Kotak Mahindra Bank: ఆ బ్యాంక్ కస్టమర్లకు షాక్.. డబ్బులు డిపాజిట్ చేస్తే.. – private lender kotak mahindra bank slashes interest rates by 0.5% on savings deposits


ప్రధానాంశాలు:

  • కస్టమర్లకు షాకిచ్చిన కోటక్ బ్యాంక్
  • వడ్డీ రేట్లలో కోత
  • ఖాతాదారులపై ఎఫెక్ట్

ప్రైవేట్ రంగానికి చెందిన కోటక్ మహీంద్రా బ్యాంక్ తాజాగా తన కస్టమర్లకు షాకిచ్చింది. బ్యాంక్ తన సేవింగ్స్ బ్యాంక్ ఖాతాలపై వడ్డీ రేట్లను మరోసారి తగ్గిస్తూ నిర్ణయం తీసుకుంది. డిపాజిట్ రేట్లలో 0.5 శాతం కోత విధించింది. దీంతో బ్యాంక్ ఖాతాలోని డబ్బులపై కస్టమర్లకు ఇకపై తక్కువ రాబడి వస్తుంది.

కోటక్ మహీంద్రా బ్యాంక్ గత నెలలో కూడా సేవింగ్స్ అకౌంట్లపై వడ్డీ రేట్లను ఏకంగా రెండు సార్లు తగ్గించిన విషయం తెలిసిందే. సోమవారం నుంచి రూ.లక్షకు పైన బ్యాలెన్స్ కలిగిన సేవింగ్స్ ఖాతాలకు వడ్డీ రేటు 4 శాతంగా వర్తిస్తుంది. ఇది వరకు వడ్డీ రేటు 4.5 శాతంగా ఉండేది. అదే రూ.లక్షకు లోపు బ్యాలెన్స్ ఉన్న అకౌంట్లకు కేవలం 3.5 శాతం వడ్డీ మాత్రమే వస్తుంది.

Also Read: SBI బంపరాఫర్.. కస్టమర్లకు అదిరిపోయే క్యాష్‌బ్యాక్!

రిజర్వు బ్యాంక్ ఆఫ్ ఇండియా (RBI) కీలక వడ్డీ రేట్లను తగ్గించడం, కరోనా వైరస్ కారణంగా రుణ వృద్ధి లేకపోవడం కారణంగా వడ్డీ రేట్లను తగ్గిస్తున్నామని కోటక్ మహీంద్రా బ్యాంక్ తెలిపింది. కాగా ఆర్‌బీఐ ఇటీవలనే కీలక రెపో రేటును తగ్గించిన విషయం తెలిసిందే.

కాగా దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) కూడా తన సేవింగ్స్ అకౌంట్లపై గతంలోనే వడ్డీ రేట్లను తగ్గించేసింది. ఇప్పుడు ఎస్‌బీఐ సేవింగ్స్ అకౌంట్లపై 2.75 శాతం నుంచి వడ్డీ లభిస్తోంది. ఇకపోతే యస్ బ్యాంక్ కూడా వడ్డీ రేట్లను తగ్గిస్తామని సంకేతాలిస్తోంది.



Source link

Leave a Reply

Your email address will not be published. Required fields are marked *