Krishna Tribunal Meeting: జూన్‌ 4న కృష్ణా బోర్డు సమావేశం.. ఏపీ, తెలంగాణ నీళ్ల జగడం ముగుస్తుందా..! – krishna river board announced that will conduct meeting for 4th june over ap, telangana dispute


కృష్ణా నదిపై నిర్మించిన ప్రాజెక్టుల విషయంలో ఆంధ్రప్రదేశ్, తెలంగాణ రెండు తెలుగు రాష్ట్రాలు పరస్పరం ఫిర్యాదు చేసుకున్న నేపథ్యంలో సమావేశం ఏర్పాటు చేయనున్నట్లు శనివారం కృష్ణా బోర్డు ప్రకటించింది. హైదరాబాద్‌ జలసౌధలో జూన్‌ 4వ తేదీన ఉదయం 11 గంటలకు బోర్డు సమావేశం కానుంది. ఈ మేరకు ఆంధ్రప్రదేశ్‌, తెలంగాణ ప్రభుత్వాలకు కృష్ణా బోర్డు సభ్య కార్యదర్శి పరమేశం సమాచారం అందించారు.

తెలంగాణలోని కల్వకుర్తి, నెట్టెంపాడు, ఎస్ఎల్‌బీసీ సామర్థ్యాన్ని ఆ రాష్ట్ర ప్రభుత్వం పెంచిందని.. వాటికి అపెక్స్‌ కౌన్సిల్‌ అనుమతి లేదని ఏపీ ప్రభుత్వం కృష్ణా బోర్డుకు ఫిర్యాదు చేసిన విషయం తెలిసిందే. దీంతో ఏపీ ప్రభుత్వం తన ఫిర్యాదులో పేర్కొన్న అంశాలకు సంబంధించిన వివరాలను సమర్పించాలని తెలంగాణ నీటి పారుదల శాఖ ముఖ్య కార్యదర్శికి ఇప్పటికే బోర్డు లేఖ రాసింది.

Also Read: జగన్ సర్కార్‌పై ఆ వ్యాఖ్యలు చేయలేదు, కేసు పెడతా.. నటుడు రావు రమేష్ సంచలన ప్రకటన

ఏపీ ఫిర్యాదు నేపథ్యంలో ప్రాజెక్టుల వివరాలు సమర్పించాల్సిందిగా తెలంగాణ ప్రభుత్వాన్ని ఆదేశించింది. పాలమూరు- రంగారెడ్డి, డిండి, భక్త రామదాసు, తుమ్మిళ్ల ఎత్తిపోతల, వాటర్‌ గ్రిడ్‌ ప్రాజెక్టుల సమగ్ర వివరాలు, ప్రాజెక్టుల డీపీఆర్‌లు సమర్పించాల్సిందిగా తెలంగాణ ప్రభుత్వాన్ని కృష్ణా బోర్డు ఆదేశించింది. ఇవే కాకుండా మరే ఇతర అంశాలపైన సమావేశంలో చర్చించాల్సి ఉంటే.. ప్రతిపాదనలు పంపిచాలని ఇరు రాష్ట్రాలకు కృష్ణా బోర్డు ఇప్పటికే లేఖ రాసింది. అలాగే పోతిరెడ్డిపాడు ప్రాజెక్టు విషయంలో కూడా రెండు రాష్ట్రాల మధ్య వివాదం నడుస్తున్న విషయం తెలిసిందే. దీనిపై కూడా చర్చించే అవకాశం ఉన్నట్లు తెలుస్తోంది. నీటి ప్రాజెక్టుల విషయంలో ఏపీ, తెలంగాణ ముఖ్యమంత్రులు వైఎస్ జగన్మోహన్‌రెడ్డి, కేసీఆర్‌లు వెనక్కుతగ్గబోమని చెబుతున్నారు. ఈ తరుణంలో కృష్ణా బోర్డు సమావేశం ఆసక్తికరంగా మారింది.



Source link

Leave a Reply

Your email address will not be published. Required fields are marked *