ktr farm house issue: KTR ఫాంహౌస్‌పై రేవంత్ మంకు పట్టు.. కేటీఆర్‌కు కొత్త చిక్కులు! – revanth reddy demands ktr should resign from his minister post


మంత్రి కేటీఆర్‌కు వ్యతిరేకంగా హరిత ట్రిబ్యునల్ నోటీసులు వచ్చి ఒక రోజు గడుస్తున్నా ఆ అంశంపై టీఆర్ఎస్ నేతలు ఎందుకు మాట్లాడడం లేదని కాంగ్రెస్ ఎంపీ రేవంత్ రెడ్డి ప్రశ్నించారు. కేటీఆర్ మంత్రి పదవి నుంచి తప్పుకోవాలని ఆయన డిమాండ్ చేశారు. హైదరాబాద్ శివారులోని రంగారెడ్డి జిల్లా జనవాడలో కేటీఆర్ ఫాంహౌజ్ వ్యవహారంలో గ్రీన్ ట్రిబ్యునల్ కేటీఆర్‌కు శుక్రవారం నోటీసులు ఇచ్చిన సంగతి తెలిసిందే. అక్రమంగా కేటీఆర్ అక్కడ ఫాంహౌజ్ నిర్మించుకున్నార‌ని రేవంత్ రెడ్డి గతంలోనే గ్రీన్ ట్రిబ్యున‌ల్‌లో కేసు వేశారు. కేటీఆర్ 111 జీవోను ఉల్లంఘించి 25 ఎకరాల్లో విలాసవంతమైన భవనం నిర్మించుకున్నారని రేవంత్ రెడ్డి ఆరోపించారు.

వట్టినాగులపల్లి నుంచి గండిపేటకు నీరు వచ్చే కాల్వను పూడ్చేసి, తన ఫాంహౌస్‌కు వెళ్లేందుకు వెడల్పాటి రోడ్డు వేసుకున్నారని రేవంత్ రెడ్డి ఆరోపించారు. కేటీఆర్‌ 111 జీవోను ఉల్లంఘించడంపై తాము గ్రీన్‌ట్రిబ్యునల్‌కు వెళ్లగా.. 8 మంది అధికారులతో గ్రీన్ ట్రిబ్యునల్ కమిటీ వేసిందని గుర్తు చేశారు. 301, 302 సర్వే నెంబర్లలో కేటీఆర్ భార్యకు భూమి ఉందని, అందుకు సంబంధించిన అన్ని ఆధారాలు కూడా తన వద్ద ఉన్నాయని రేవంత్ రెడ్డి అన్నారు. త్వరలోనే వాటిని కూడా బయటపెడతానని తేల్చి చెప్పారు. అర్చనా వెంచర్స్‌కు కూడా అక్కడ భూమి ఉందని, అందులో కేటీఆర్‌కు వాటా ఉన్నట్లు ఎన్నికల అఫిడవిట్‌లోనే ఆయన పేర్కొన్నారని వెల్లడించారు.

Must Read: వనపర్తిలో కొత్త రకం వైరస్ విజృంభణ.. బెంబేలెత్తుతున్న జనం

ఫాంహౌజ్ వ్యవహారంలో ఇప్పటికే కేటీఆర్‌తో పాటు తెలంగాణ ప్రభుత్వం, హెచ్ఎండీఏ, పొల్యూష‌న్ బోర్డుల‌కు జాతీయ గ్రీన్ ట్రిబ్యునల్ నోటీసులు జారీ చేసింది. 2008లో తాము ఇచ్చిన ఆదేశాల‌తో జారీ అయిన 111 జీవో అమ‌లుపై కూడా ప‌రిశీల‌న చేయాల‌ని గ్రీన్ ట్రిబ్యున‌ల్.. నిజ‌నిర్ధార‌ణ క‌మిటీ వేస్తూ నిర్ణయం తీసుకుంది.

Must Read: ఎన్టీఆర్ ఫ్యాన్స్ పచ్చి బూతులు.. మంత్రి కేటీఆర్‌కు థ్యాంక్స్ చెప్పిన మీరా చోప్రా



Source link

Leave a Reply

Your email address will not be published. Required fields are marked *