ktr on his farm house: KTR Farm House: ఎన్జీటీ నోటీసులపై స్పందించిన కేటీఆర్ – minister ktr responds on ngt notices against him over his farm house


రంగారెడ్డి జిల్లా జన్వాడలో తన ‌ఫామ్‌ హౌజ్‌ వ్యవహారంలో జాతీయ గ్రీన్ ట్రిబ్యునల్ ఇచ్చిన నోటీసులపై మంత్రి కేటీఆర్ తొలిసారి స్పందించారు. ఈ కేసును ఒక కాంగ్రెస్ నేత దురుద్దేశ పూర్వకంగా తనపై దుష్ర్పచారానికి పాల్పడేందుకు పెట్టారని ఆరోపించారు. తాను గతంలో స్పష్టం చేసిన మేరకు తాను అక్కడ ఎలాంటి స్థలాలను, ఆస్తులను కలిగి లేనని శనివారం ట్విటర్ ద్వారా మరోసారి కేటీఆర్ స్పష్టం చేశారు. ఫాంహౌజ్ వ్యవహారంలో తనపై జరుగుతున్న దుష్ర్పచారాన్ని న్యాయపరంగా దీటుగా ఎదుర్కొంటానని కేటీఆర్ అన్నారు.

Must Read: వనపర్తిలో కొత్త రకం వైరస్ విజృంభణ.. బెంబేలెత్తుతున్న జనం

ఫాంహౌజ్ వ్యవహారంలో ఇప్పటికే కేటీఆర్‌తో పాటు తెలంగాణ ప్రభుత్వం, హెచ్ఎండీఏ, పొల్యూష‌న్ బోర్డుల‌కు జాతీయ గ్రీన్ ట్రిబ్యునల్ శుక్రవారం నోటీసులు జారీ చేసింది. 2008లో తాము ఇచ్చిన ఆదేశాల‌తో జారీ అయిన 111 జీవో అమ‌లుపై కూడా ప‌రిశీల‌న చేయాల‌ని గ్రీన్ ట్రిబ్యున‌ల్.. నిజ‌నిర్ధార‌ణ క‌మిటీ వేస్తూ నిర్ణయం తీసుకుంది.

మరోవైపు, ప్రభుత్వ నిబంధనలు ఉల్లంఘించి ఫాంహౌజ్ నిర్మించుకున్నందుకు మంత్రి కేటీఆర్ రాజీనామా చేయాలని రేవంత్ రెడ్డి డిమాండ్ చేస్తున్నారు. అక్రమంగా కేటీఆర్ జన్వాడలో ఫాంహౌజ్ నిర్మించుకున్నార‌ని ఆరోపిస్తూ రేవంత్ రెడ్డి గతంలోనే గ్రీన్ ట్రిబ్యున‌ల్‌లో కేసు వేశారు. ఈ పోరాటంలో ఆయన జైలుకు కూడా వెళ్లిన సంగతి తెలిసిందే. శనివారం రేవంత్ రెడ్డి మీడియాతో మాట్లాడుతూ కేటీఆర్‌పై సంచలన వ్యాఖ్యలు చేశారు.

Must Read: KTR ఫాంహౌస్‌పై రేవంత్ మంకు పట్టు.. కేటీఆర్‌కు కొత్త చిక్కులు!



Source link

Leave a Reply

Your email address will not be published. Required fields are marked *