ktr punch on ram gopal varma : KTR: రామ్ గోపాల్ వర్మకు మంత్రి కేటీఆర్ అదిరే పంచ్ – minister ktr answers netizens questions through his twitter handle with askktr hashtag


Samayam Telugu | Updated:

ప్రతి విషయంలోనూ వ్యంగ్యంగా స్పందించే రామ్‌గోపాల్‌ వర్మకు మంత్రి కేటీఆర్‌కూ అదే రీతిలో సమాధానం ఇచ్చారు. శుక్రవారం రాత్రి 8 గంటలకు మంత్రి కేటీఆర్ తన అధికారిక ట్విటర్ ఖాతా నుంచి #AskKTR (కేటీఆర్‌ను అడగండి) నిర్వహించారు. నెటిజన్లు తనను ట్విటర్ ద్వారా సుదీర్ఘ సమయం పాటు అడిగిన ప్రశ్నలకు కేటీఆర్ సమాధానాలు ఇచ్చారు. లాక్‌డౌన్‌ గురించి ఓ నెటిజన్ అడిగిన ఓ ప్రశ్నకు బదులిస్తూ.. లాక్‌డౌన్‌ కొన్ని వారాల పాటు పొడిగించాలన్నది తన అభిప్రాయమని కేటీఆర్‌ తెలిపారు. దీనిపై అందరితో చర్చించి ప్రభుత్వం నిర్ణయం తీసుకుంటుందని వెల్లడించారు. తన వ్యక్తిగత అభిప్రాయం ప్రకారం.. ప్రపంచమంతా అంగీకరించినట్లయితే ప్రతి పదేళ్లకోసారి ఇలా లాక్ డౌన్‌ను ప్రతి దేశంలో విధించాలని ఆయన అన్నారు. హైదరాబాద్‌లో నివసిస్తున్న శ్రీకాకుళం జిల్లాకు చెందిన ఓ నిండు గర్భిణికి సాయం చేయాలని కోరగా ఆయన స్పందించారు. వైద్య బృందం ఆమె దగ్గరికి చేరుకొని సాయం చేస్తుందని హామీ ఇచ్చారు.

మద్యం హోం డెలివరీ గురించి రామ్ గోపాల్ వర్మ విన్నపం

#AskKTR లో దర్శకుడు రామ్ గోపాల్ వర్మ సైతం ఓ ప్రశ్న వేశారు. అది మద్యం సరఫరా గురించి. పశ్చిమ బెంగాల్‌లో ఇటీవల అక్కడి ప్రభుత్వం మద్యాన్ని డోర్ డెలివరీ చేసేలా నిర్ణయం తీసుకున్న సంగతి తెలిసిందే. దీనికి సంబంధించి వర్మ.. తెలంగాణ సీఎం కేసీఆర్, ఏపీ సీఎం వైఎస్ జగన్, మంత్రి కేటీఆర్‌ను ట్యాగ్ చేస్తూ ఓ కోరిక కోరారు. ‘‘మీకు నాదో విన్నపం. ఎవరైతే బోర్‌గా ఫీలవుతూ జుట్టు పీక్కుంటున్నారో, చిన్నపిల్లల్లాగా ఏడుస్తున్నారో, మెంటల్ ఆస్పత్రుల్లో చేరుతున్నారో, ఫ్రస్టేషన్‌తో భార్యలను కొడుతున్నారో వీరి కోసం మమతా బెనర్జీ లాంటి పెద్ద మనస్సు ఉండాలి. అలాంటి పద్ధతినే ఇక్కడ కూడా ప్రవేశపెట్టండి’’ అని వర్మ ట్వీట్ చేశారు.

Must Read: కండోమ్‌ల కొరత కలవరం.. లాక్‌డౌన్‌ వేళ విపరీత గిరాకీ, యూఎన్ సైతం ఆందోళన

వర్మకు కేటీఆర్ పంచ్

రామ్ గోపాల్ వర్మ చేసిన ట్వీట్‌కు మంత్రి కేటీఆర్‌ సరదాగా బదులిచ్చారు. ‘రామూ గారూ.. హెయిర్‌ కట్‌ గురించే అడుగుతున్నారు కదా’ అంటూ చమత్కరించారు. ఆలోచిస్తున్న ఓ ఇమోజీని కూడా జత చేశారు. మంత్రి ‘ఆస్క్ కేటీఆర్ మొదలు పెట్టిన వెంటనే మొదటి ట్వీట్ ఇదే కావడం విశేషం. ఆస్క్ కేటీఆర్‌లో భాగంగా ఎంతో మంది కేసీఆర్, కేటీఆర్ అభిమానులు తమ అభిమానాన్ని చాటుకున్నారు. కొంత మంది తాము గీసిన కేటీఆర్ చిత్ర పటాలను ట్వీట్ చేయగా మంత్రి వారికి ధన్యవాదాలు తెలిపారు. మరికొంత మంది లాక్ డౌన్ సమయంలో తమకు సాయం కావాలని కోరగా అవసరమైన వారికి తన కార్యాలయం నుంచి సహకారం పొందాల్సిందిగా హామీ ఇచ్చారు.

Must Read: కరోనా మృతుల అంత్యక్రియలు ఎలా? ఫ్యామిలీకి అనుమతి ఉందా? తెలంగాణ మార్గదర్శకాలివీ..





Source link

Leave a Reply

Your email address will not be published. Required fields are marked *