Kuldeep Yadav: కోహ్లీ ఆ విషయంలో ఎప్పుడూ ఫెయిలవలేదు: కుల్దీప్ – india leg spinner kuldeep yadav reveals virat kohli’s ‘best quality’


మైదానంలో సవాళ్లు ఎదురైనప్పుడు వాటిని ఛేదించడమెలాగో..? భారత కెప్టెన్ విరాట్ కోహ్లీ నుంచి తాను నేర్చుకున్నానని మణికట్టు స్పిన్నర్ కుల్దీప్ యాదవ్ వెల్లడించాడు. 2017లో అంతర్జాతీయ క్రికెట్‌లోకి అరంగేట్రం చేసిన కుల్దీప్ యాదవ్.. ఇప్పటి వరకూ 6 టెస్టులు, 60 వన్డేలు, 20 టీ20 మ్యాచ్‌లాడి.. మొత్తం 167 వికెట్లు పడగొట్టాడు. కానీ.. గత రెండేళ్లతో పోలిస్తే ఈ ఏడాది కుల్దీప్ యాదవ్‌కి మూడు ఫార్మాట్లలోనూ రెగ్యులర్‌గా అవకాశాలు దక్కడం లేదు. అయినప్పటికీ.. కోహ్లీ తనపై నమ్మకం ఉంచుతున్నాడని కుల్దీప్ చెప్పుకొచ్చాడు.

‘‘క్లిష్ట పరిస్థితుల్ని ఎలా ఎదుర్కోవాలో విరాట్ కోహ్లీని చూసి నేను నేర్చుకున్నాను. కెప్టెన్ నీపై నమ్మకం ఉంచితే..? మైదానంలో అత్యుత్తమ ప్రదర్శన‌ని కనబర్చడం ఈజీ అవుతుంది. ఇక యువ క్రికెటర్లలో స్ఫూర్తి నింపడంలో విరాట్ కోహ్లీ ఎప్పుడూ ఫెయిలవలేదు. నాకు ఇప్పటికీ గుర్తుంది.. నేను కొత్తగా జట్టులోకి వచ్చినప్పుడు అతను నాకు మద్దతుగా నిలిచాడు. కెప్టెన్‌గా ఆటగాళ్లని చక్కగా అర్థం చేసుకోవడం కోహ్లీకి ఉన్న మంచి లక్షణం’’ అని కుల్దీప్ వెల్లడించాడు.

భారత వన్డే, టీ20 జట్టులో గత ఏడాది వరకూ చాహల్, కుల్దీప్ కలిసి ఆడేవారు. కానీ.. జడేజా నిలకడగా రాణిస్తుండటంతో చాహల్ లేదా కుల్దీప్‌‌‌లో ఒక్కరికే అవకాశం దక్కుతోంది. జడేజా ఎడమచేతి వాటం బౌలర్ కావడంతో.. ఎక్కువ సార్లు కుల్దీప్ యాదవ్‌ రిజర్వ్ బెంచ్‌పై కూర్చోవాల్సి వస్తోంది.



Source link

Leave a Reply

Your email address will not be published. Required fields are marked *