Kumar Sangakkara: 2011 ప్రపంచకప్ ఫైనల్లో రెండు సార్లు టాస్.. కారణం చెప్పిన సంగక్కర – former indian captain ms dhoni wanted another toss in 2011 world cup final: kumar sangakkara


భారత్ జట్టు 28 ఏళ్ల సుదీర్ఘ నిరీక్షణ తర్వాత 2011లో వన్డే ప్రపంచకప్‌ని మళ్లీ గెలిచింది. శ్రీలంకతో వాంఖడే స్టేడియం వేదికగా జరిగిన ఆ మ్యాచ్‌లో 275 పరుగుల లక్ష్యాన్ని టీమిండియా 48.2 ఓవర్లలోనే 277/4తో ఛేదించింది. కానీ.. ఆ మ్యాచ్‌లో అప్పటి భారత కెప్టెన్ ధోనీ, శ్రీలంక కెప్టెన్ కుమార సంగక్కర మధ్య కన్‌ప్యూజన్ కారణంగా రెండు సార్లు టాస్ వేశారు. దానికి గల కారణాల్ని తాజాగా సంగక్కర అభిమానులతో పంచుకున్నాడు.

Read More: టీ20 వరల్డ్‌కప్‌ నిర్వహణ ఆస్ట్రేలియాకి ప్రమాదకరం: సీఏ సీఈవో

భారత సీనియర్ ఆఫ్ స్పిన్నర్ రవిచంద్రన్ అశ్విన్‌తో తాజాగా ఇన్‌స్టాగ్రామ్ లైవ్ సెషన్‌లో మాట్లాడిన కుమార సంగక్కర.. 2011 వన్డే ప్రపంచకప్ ఫైనల్‌‌లో టాస్ కన్‌ప్యూజన్ గురించి సవివరంగా వెల్లడించాడు. రెండు సార్లు టాస్ వేయగా.. రెండు సార్లూ సంగక్కరే టాస్ గెలిచాడు. ఒకవేళ ధోనీ టాస్ గెలిచింటే..? భారత్ ఫస్ట్ బ్యాటింగ్ చేసేదని చెప్పుకొచ్చిన దిగ్గజ క్రికెటర్.. అప్పుడు శ్రీలంక ఛేదనకు దిగేదని వివరించాడు.

Read More: టీ20 వరల్డ్‌కప్ ఫైనల్లో 6, 6, 6.. భజ్జీ పశ్చాతాపం

‘‘వాంఖడే స్టేడియం ఆరోజు అభిమానులతో కిక్కిరిసింది. శ్రీలంకలో ఎప్పుడూ కూడా అంత మంది ఫ్యాన్స్‌ని నేను స్టేడియంలో చూడలేదు. ఫైనల్ మ్యాచ్‌లో ధోనీ టాస్ వేయగానే నేను టెయిల్స్ కోరాను. కానీ.. అభిమానుల అరుపుల మధ్య నేను ఏం చెప్పానో ధోనీకి అర్థం కాలేదు. దాంతో.. నువ్వు టెయిల్స్ కోరావా..? అని అడిగాడు. దానికి నేను.. కాదు.. టెయిల్స్ కోరాను అని చెప్పా. అలా ఉంది మరి అప్పుడు స్టేడియంలో పరిస్థితి. మ్యాచ్ రిఫరీ మాత్రం నువ్వు టాస్ గెలిచావు అని నాతో చెప్పాడు. కానీ.. ఇద్దరి కెప్టెన్ల మధ్య టాస్ విషయంలో కన్‌ప్యూజన్‌ ఉందని రిఫరీకి వివరించి ధోనీ.. మళ్లీ టాస్ వేద్దామని చెప్పాడు. దాంతో.. మళ్లీ టాస్ వేయగా.. నేను గెలిచాను. కానీ.. ఒకవేళ నేను టాస్ ఓడింటే శ్రీలంక ఛేదనకు దిగేది’ అని సంగక్కర వెల్లడించాడు.



Source link

Leave a Reply

Your email address will not be published. Required fields are marked *