kuppam police suicide: కుప్పం ఏఎస్సై ఆత్మహత్య.. – kuppam asi rajendra prasad committed suicide


చిత్తూరు జిల్లా కుప్పం పోలీస్‌ స్టేషన్‌లో విధులు నిర్వహిస్తున్న ఏఎస్సై రాజేంద్ర ప్రసాద్ (57) బుధవారం ఉరేసుకొని ఆత్మహత్యకు పాల్పడ్డారు. కుప్పం అర్బన్‌ సీఐ ఈదూర్ బాషా తెలిపిన వివరాల ప్రకారం.. చిత్తూరుకు చెందిన రాజేంద్రప్రసాద్ గత సెస్టెంబర్‌లో కుప్పం పోలీసు స్టేషన్‌కు ఏఎస్సైగా బదిలీపై వచ్చారు. బుధవారం విధులకు రాకపోవడంతో పోలీసు సిబ్బంది ఫోన్ ద్వారా సంప్రందించినా.. ఎలాంటి స్పందన రాలేదు.

కుటుంబ సభ్యులు సైతం ఉదయం 7 గంటల నుంచి ఫోన్ ద్వారా ప్రయత్నించినా ఏఎస్సై రాజేంద్ర ప్రసాద్ నుంచి స్పందన రాలేదు. దీంతో కుప్పంలోని పాతపేట గాండ్లవీధిలో ఆయన అద్దెకు ఉంటున్న ఇంటికి సహచర పోలీసులు వెళ్లి బయట నుంచి ఎంత పిలిచినా పలుకలేదు. దీంతో అనుమానం వచ్చి తలుపులు పగలకొట్టి చూడగా రాజేంద్రప్రసాద్‌ ఇంట్లో ఉన్న దూలానికి వేలాడుతూ కనిపించాడు.

ఆయనను వారం క్రితమే చిత్తూరు వన్ టౌన్‌కు బదిలీ చేసినట్లు ఉత్తర్వులు వచ్చాయి. ఆయన ఆత్మహత్యకు కారణాలు తెలియాల్సి ఉందని సీఐ ఈదూర్‌ బాషా పేర్కొన్నారు.



Source link

Leave a Reply

Your email address will not be published. Required fields are marked *