kurnool arrows attack: అల్లుడి విల్లంబుల దాడి.. మామ గుండెల్లోకి దూసుకెళ్లిన బాణం.. కర్నూలులో దారుణం – man attacks father in law with arrows in kurnool district


కర్నూలు జిల్లాలో దారుణ ఘటన చోటుచేసుకుంది. కూతురిని కాపురానికి పంపట్లేదని మామపై అల్లుడు విల్లంబులతో దాడి చేశాడు. బాణం గుండెల్లోకి దిగడంతో మామ పరిస్థితి ఆందోళనకరంగా మారింది. ఆత్మకూరు పరిధిలోని బైర్లుటి చెంచుగూడేనికి చెందిన బయ్యన్న తన కూతురిని ప్రకాశం జిల్లా దోర్నాల మండలం కొర్రపోలూరు గ్రామానికి చెందిన చిన్నోడికిచ్చి వివాహం చేశాడు.

పెళ్లైన కొద్దిరోజులు భార్యని బాగానే చూసుకున్న చిన్నోడు వేధించడం మొదలెట్టాడు. భర్త వేధింపులు తాళలేక భార్య చెంచుగూడెంలోని పుట్టింటికి వెళ్లిపోయింది. కొద్దిరోజుల అనంతరం భార్య పుట్టింటికెళ్లిన భర్త.. కూతురిని కాపురానికి పంపాలంటూ మామని కోరాడు. అందుకు ఆయన ఒప్పుకోలేదు. చిత్రహింసలు పెడుతున్న ఇంటికి పంపే ప్రసక్తే లేదని తేల్చి చెప్పేశాడు.

Also Read: ఒకే గోత్రమని చంపేశారు.. ప్రేమజంట దారుణ హత్య

కూతురిని కాపురానికి పంపట్లేదన్న కోపంతో మామని చంపేయాలని అల్లుడు నిర్ణయించుకున్నాడు. అర్ధరాత్రి వేళ మామపై విల్లంబులతో దాడి చేశాడు. మామ పైకి బాణాలు వదిలాడు. బాణం గుండెకి సమీపంలో గుచ్చుకుపోయింది. తీవ్రగాయాలపాలైన మామ బయ్యన్నను 108లో ఆస్పత్రికి తరలించారు. మెరుగైన చికిత్స కోసం హైదరాబాద్ తరలించినట్లు సమాచారం. అతని పరిస్థితి విషమంగా ఉన్నట్లు తెలుస్తోంది.

Read Also: గర్భిణిపై కనికరం చూపని కామాంధులు.. మెడపై కత్తిపెట్టి గ్యాంగ్ రేప్



Source link

Leave a Reply

Your email address will not be published. Required fields are marked *