Kurnool Corona Patients Discharge: కర్నూలు ప్రజలకు బిగ్ రిలీఫ్.. ఒకే రోజు 24 మంది డిశ్చార్జి – 24 coronavirus patients discharged from covid 19 hospital in kurnool


కరోనా వైరస్ (కోవిడ్ 19) మహమ్మారి బారినపడి విలవిల్లాడుతున్న కర్నూలు జిల్లా ప్రజలకు శనివారం కాస్త ఊరట కలిగింది. కరోనా వైరస్ మహమ్మారి నుంచి మరో 24 మంది పూర్తిగా కోలుకున్నారు. దీంతో శనివారం విశ్వభారతి కోవిడ్‌ ఆస్పత్రి నుంచి క్షేమంగా డిశ్చార్జి అయ్యారు. వైద్యుల సాయంతో కరోనాపై పోరు సాగించి.. వారు అంతిమంగా పూర్తిగా కోలుకున్నారు. ఒకే రోజు 24 మంది డిశ్చార్జి కావడంతో కర్నూలు జిల్లా వాసులకు బిగ్ రిలీఫ్ కలిగింది. దీంతో ఇప్పటివరకు కర్నూలు జిల్లాలో మొత్తం 31 మంది కరోనా బారిపడిన పడ్డ బాధితులు క్షేమంగా కోలుకుని డిశ్చార్జి అయ్యారు.

ఈ సందర్భంగా కర్నూలు జిల్లా కలెక్టర్‌ వీరపాండియన్ మీడియాతో మాట్లాడుతూ.. జిల్లా ప్రజలకు, యంత్రాంగానికి కరోనాను జయించవచ్చనే మనో ధైర్యం కలిగిందని తెలిపారు. డిశ్చార్జి అయిన 24 మందికి ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు కలెక్టర్‌ వీరపాండియన్‌, స్టేట్‌ కోవిడ్‌ ప్రత్యేకాధికారి అజయ్‌ జైన్‌, కర్నూలు ఎమ్మెల్యే హఫీజ్‌ ఖాన్‌లు ఒక్కొక్కరికి రూ. 2 వేల నగదు, పండ్ల కిట్లను అందించి ప్రత్యేక వాహనాల్లో వారి ఇళ్లకు పంపించారు.

కాగా, ఢిల్లీ నిజాముద్దీన్‌ మర్కజ్‌కు వెళ్లి కరోనా బారినపడ్డ బాధితులకు ప్రభుత్వం మెరుగైన వైద్యం అందించింది. వైద్యులు, పారా మెడికల్‌ సిబ్బంది, జిల్లా యంత్రాంగం కృషితో కరోనాపై విజయం సాధించారు. కోవిడ్‌ ప్రోటోకాల్‌ ప్రకారం రెండు సార్లు పరీక్షలు చేసిన అనంతరం నెగిటివ్ ఫలితం రావడంతో వారిని శనివారం సాయంత్రం డిశ్చార్జి చేశారు.

శనివారం డిశ్చార్జి అయిన వారి వివరాలు:
కర్నూలు నగరం- 7, నంద్యాల- 7, పాణ్యం- 2, సిరవేళ్ల- 2, గడివేముల- 1, రుద్రవరం- 1, నందికొట్కూరు- 2, ఆత్మకూరు- 1, డోన్‌-1.



Source link

Leave a Reply

Your email address will not be published. Required fields are marked *