Kurnool Diamond Hunt: కర్నూలులో జోరుగా వజ్రాల వేట.. ఆ ఇద్దరు పేదలకు పంట పండిందిగా..! – diamond hunting in kurnool district, two poor men found diamonds


కర్నూలు జిల్లాలో జోరుగా వజ్రాల వేట సాగుతోంది. తుగ్గలి మండలం జొన్నగిరి పొలాల్లో శనివారం నుంచే వజ్రాల వేట మొదలు కాగా, ఆదివారం జోరందుకుంది. ఇటీవల కురిసిన వర్షంతో ఎర్ర నేలల్లో వజ్రాన్వేషకులు వెతుకులాట ప్రారంభించారు. ఆయా గ్రామాల్లో పిల్లల నుంచి ముసలివారి వరకు వజ్రాల వేట ప్రారంభించారు.

వారం క్రితం తుగ్గిలి మండలం పగిడిరాయి బొల్లవానిపల్లె పొలాల్లో రెండు వజ్రాలు లభ్యమయ్యాయి. బొల్లవానిపల్లె పొలాల్లో ఓ గొర్రెల కాపరికి వజ్రం దొరికింది. దీనికి రూ. 50 వేలు నగదు, రెండు తులాల బంగారం ఇచ్చి వజ్రాల వ్యాపారి కొనుగోలు చేశాడు. ఇక పగిడిరాయిలో వ్యవసాయ కూలీకి కూడా ఓ వజ్రం దొరికింది. దీనిని రూ.1,50 లక్షలకు జొన్నగిరికి చెందిన వ్యాపారి కొనుగోలు చేసినట్లు సమాచారం.

తొలకరికి ముందే రెండు విలువైన వజ్రాలు లభ్యమవడంతో తుగ్గిలి పరిధిలో వజ్రాల అన్వేషణ ముమ్మరంగా సాగుతోంది. తొలకరి వర్షాలకు జొన్నగిరి, పగిడిరాయి, రాంపురం, జి ఎర్రగుడి, ఉప్పర్లపల్లి పొలాల్లో ఏటా వజ్రాలు లభిస్తున్నాయి. ఇక్కడ లభించిన వజ్రాలను పెరవలి, గుత్తి, జొన్నగిరికి చెందిన వ్యాపారస్తులు కొంటున్నారు.



Source link

Leave a Reply

Your email address will not be published. Required fields are marked *