kurnool man death : ఇంటి ముందే యాక్సిడెంట్‌.. ప్రాణాలు విడిచిన తండ్రి.. కర్నూల్‌లో దుర్ఘటన – man killed in road accident in kurnool district


పాలు పోసి వెంటనే తిరిగొస్తానని చెప్పిన తండ్రి.. ఇక ఎప్పటికీ రాలేడని తెలియడంతో కుటుంబ సభ్యులు కుదేలైపోయారు. ఇంటికి సమీపంలోనే కన్నతండ్రి యాక్సిడెంట్‌లో చనిపోవడంతో అల్లారుముద్దుగా పెంచుకున్న కూతుళ్ల గుండెలు బద్దలయ్యాయి. కళ్లెదుటే ఉన్న కన్నతండ్రి మృతదేహాన్ని చూస్తూ వారు విలపించిన తీరు చూపరులను కలచివేసింది. ఈ విషాద ఘటన కర్నూలు జిల్లా కొలిమిగుండ్లలో చోటుచేసుకుంది.


కొలిమిగుండ్ల పరిధిలోని పెట్నికోట గ్రామానికి చెందిన అన్నెం కృష్ణారెడ్డి(46) పాలవ్యాపారి. రోజూ రైతుల నుంచి పాలు సేకరించి విజయ డైరీలో పోసేవాడు. రోజూలానే పాలు పోసి వస్తానని చెప్పి ఇంటి నుంచి బయల్దేరి వెళ్లాడు. పాలు సేకరించి డైరీలో పోసి తిరిగి ఇంటికి పయనమయ్యాడు. మరికొద్దిసేపట్లో ఇంటికి చేరతాడనేలోపు మృత్యువు ఆయనను మింగేసింది.

Also Read:
ఏనుగుల మంద బీభత్సం.. మనిషిని చంపి చుట్టూ చేరి ఘీంకారాలు.. చిత్తూరులో విషాదం

ఇంటికి 50 అడుగుల దూరంలో ఎరువులోడుతో వెళ్తున్న ట్రాక్టర్‌ను ఓవర్‌టేక్‌ చేయబోయి అదుపుతప్పి ట్రాక్టర్‌ టైర్ కింద పడి అక్కడికక్కడే మరణించాడు. ఇంటికి సమీపంలోనే ప్రమాదం జరిగిన విషయం తెలుసుకున్న అతని భార్య లక్ష్మి, కూతుళ్లు శివాని, మేఘన పరుగున వచ్చారు. ట్రాక్టర్ కింద రక్తపు మడుగులో పడి ఉన్న తండ్రిని చూసిన కూతుళ్లు భోరుమని విలపించారు.

ఇక మాకు దిక్కెవరు నాన్నా అంటూ కన్నతండ్రి శవంపై పడి కూతుళ్లు రోధించిన తీరు గ్రామస్థులను కంటతడి పెట్టించింది. సమాచారం అందుకున్న పోలీసులు సంఘటన స్థలానికి చేరుకున్నారు. ప్రమాద వివరాలు అడిగి తెలుసుకున్నారు. మృతదేహాన్ని పోస్ట్‌మార్టం నిమిత్తం బనగానపల్లె ప్రభుత్వ వైద్యశాలకు తరలించారు. కేసు నమోదు చేసి దర్యాప్తు చేస్తున్నారు.

Read Also: చెరుకుతోటలో గర్భిణి శవం.. బట్టలు చించేసి రేప్‌ డ్రామా.. హంతకుడిని పట్టించిన హ్యాండ్‌రైటింగ్





Source link

Leave a Reply

Your email address will not be published. Required fields are marked *