kurnool road accident: కర్నూలులో ఘోర రోడ్డు ప్రమాదం.. అక్కాతమ్ముళ్ల మృతి – two killed in road accident in kurnool district


కర్నూలు జిల్లాలో ఘోర రోడ్డు ప్రమాదం చోటుచేసుకుంది. బైక్‌ని లారీ ఢీకొట్టిన ఘటనలో అక్కాతమ్ముళ్లు మృతిచెందారు. గర్భిణి అయిన అక్కను తమ్ముడు బైక్‌పై ఆస్పత్రికి తీసుకెళ్లి తిరిగివస్తున్న సమయంలో ప్రమాదం జరిగింది. ఈ ప్రమాదంలో తమ్ముడు అక్కడికక్కడే చనిపోగా ఆస్పత్రికి తీసుకెళ్తుండగా మార్గం మధ్యలో అక్క ప్రాణాలు విడిచింది.

మద్దికెర మండలం మదనంతపురం గ్రామానికి చెందని మునెప్ప, జయమ్మ దంపతులకు కూతురు మణిదీపిక(22) కొడుకు చందు(16) సంతానం. కూతురికి పెళ్లై ఒక బాబు పుట్టాడు. ప్రస్తుతం మణిదీపిక గర్భంతో ఉంది. రెగ్యులర్ చెకప్ కోసం ఆస్పత్రికి వెళ్లేందుకు రవాణా సౌకర్యాలు లేకపోవడంతో బైక్‌పై బయల్దేరారు. అక్క మణిదీపికని బైక్‌పై ఎక్కించుకుని చందు గుత్తిలోని ఆస్పత్రికి తీసుకెళ్లాడు. వైద్యశాలలో పరీక్షల అనంతరం తిరిగి ప్రయాణమయ్యారు.

Also Read:
మజ్జిగలో విషం.? భర్త అనుమానాస్పద మరణం.. భార్యే చంపేసిందా?

సరిగ్గా గనికొండ సమీపంలో ప్రమాదం జరిగింది. అక్కాతమ్ముళ్లు వస్తున్న బైకు, ఎదురుగా వస్తున్న లారీ ఢీకొన్నాయి. ఈ ఘటనలో తమ్ముడు చందు అక్కడికక్కడే మరణించగా అక్కకి తీవ్రగాయాలయ్యాయి. ఆమెను చికిత్స నిమిత్తం కర్నూలు తరలిస్తుండగా మార్గంమధ్యలో ప్రాణాలు విడిచింది. మణిదీపికకు అదే గ్రామానికి చెందిన మేనమామ శ్రీనివాసులతో వివాహమైంది. అక్కాతమ్ముళ్ల దుర్మరణంతో గ్రామంలో విషాదఛాయలు అలుముకున్నాయి.

Read Also: కన్నకూతురిపై తండ్రి అత్యాచారం.. నోట్లో గుడ్డలు కుక్కిన తల్లి.. మంచానికి కట్టేసి దారుణం



Source link

Leave a Reply

Your email address will not be published. Required fields are marked *