kurnool wife suicide: కాపురంలో సెల్‌ఫోన్ చిచ్చు.. భర్తతో గొడవపడి భార్య ఆత్మహత్య – woman commits suicide in kurnool district over family disputes


హాయిగా సాగిపోతున్న కాపురంలో కొత్త సెల్‌ఫోన్ చిచ్చుపెట్టింది. దంపతుల మధ్య చెలరేగిన వివాదంతో భార్య ఆత్మహత్య చేసుకుంది. ఈ ఘటన కర్నూలు జిల్లా మంత్రాలయం మండలం వగరూరులో బుధవారం చోటుచేసుకుంది. గ్రామానికి చెందిన నాగరాజుతో నందవరం మండలం హాలహర్వి గ్రామానికి చెందిన పార్వతి(22) ఆరేళ్ల క్రితం వివాహమైంది. వీరికి ఇద్దరి కూతురు(4), కుమారుడు(1) ఉన్నారు. ఈ దంపతులు తమకున్న ఎకరం పొలంలో వ్యవసాయం చేస్తూనే కూలి పనులు కూడా చేస్తూ జీవనం సాగిస్తున్నారు. నాగరాజు రెండ్రోజుల క్రితం రూ.1500 ఖర్చుపెట్టి కొత్త సెల్‌ఫోన్ కొన్నాడు. అది పనిచేయకపోవడంతో రిపేర్ చేయించేందుకు రూ.500 ఇవ్వాలని భార్యను అడిగాడు.

Also Read: తాళి కట్టిన మూడోరోజే వరుడి పరార్.. ప్రేమ వ్యవహారంపై అనుమానాలు

లాక్‌డౌన్‌ కారణంగా పనులు లేక ఇళ్లు గడవడమే కష్టంగా ఉంటే రూ.1500 పెట్టి సెల్‌ఫోన్ కొనడం అవసరమా? మళ్లీ దాని రిపేర్ కోసం రూ.500 అడుగుతున్నావంటూ పార్వతి భర్తను నిలదీసింది. ఈ క్రమంలోనే ఇద్దరి మధ్య గొడవ జరిగింది. నాగరాజు భార్యను తిట్టి కోపంతో బయటకు వెళ్లిపోయాడు. దీంతో మనస్తాపానికి గురైన ఆమె పిల్లాడి ఊయల కోసం వేసిన చీరతో ఉరేసుకుని ఆత్మహత్య చేసుకుంది. కాసేపటికి తర్వాత ఇంటికొచ్చిన నాగరాజు భార్య ఉరికి వేలాడుతుండటాన్ని చూసి షాకయ్యాడు. వెంటనే పోలీసులకు సమాచారమిచ్చాడు. దీంతో వారు సంఘటనా స్థలానికి చేరుకుని వివరాలు సేకరించారు. ఈ ఘటనపై కేసు నమోదు చేసుకుని పార్వతి మృతదేహాన్ని పోస్టుమార్టం నిమిత్తం ఎమ్మిగనూరు ప్రభుత్వాసుపత్రికి తరలించారు. ఇద్దరు పిల్లలు విగతజీవిగా పడివున్న తల్లిని చూసి ఏడుస్తున్న ఘటన స్థానికులను కంటతడి పెట్టించింది.

Also Read: ఉద్యోగం కోసం వెళ్తే వ్యభిచారం చేయాలంటూ.. ‘అనంత’ యువతికి చేదు అనుభవం



Source link

Leave a Reply

Your email address will not be published. Required fields are marked *