Last Peg Action Teaser: ‘లాస్ట్ పెగ్’ యాక్షన్ టీజర్: అమ్మ బాబోయ్.. ఆరడుగుల మిసైల్ అట! – bharath sagar, yashaswini starrer last peg action teaser released


భరత్ సాగర్, యశస్విని రవీంద్ర హీరో హీరోయిన్లుగా వినూత్న కాన్సెప్టుతో వస్తోన్న చిత్రం ‘లాస్ట్ పెగ్’. సంజయ్ వడత్ ఎస్ దర్శకత్వం వహిస్తున్నారు. ఈ మూవీ మనిషి జీవితంలో జరిగే కాలానికి సంబంధించినది. ఒక అమ్మాయి, అబ్బాయి ప్రేమలో పడితే చివరికి తల్లిదండ్రులు చూపించిన అబ్బాయితో ఆ అమ్మాయి నిచ్చితార్థం అవుతుంది. కొన్ని అనుకోని పరిస్థితుల్లో ఆ అమ్మాయి మాజీ ప్రేమికుడు, నిచ్చితార్థం చేసుకున్న అబ్బాయి కలుస్తారు. ఇదంతా విధి ఆడిస్తున్న నాటకమని వారు భావిస్తారు. చివరికి ఏం జరిగింది? ఆ అమ్మాయిని ఎవరు వివాహం చేసుకుంటారు? అనే అంశాలు సినిమాలో కీలకంగా ఉండబోతున్నాయి.

Also Read:శ్యామ్ కె నాయుడుపై ఎఫ్ఐఆర్ నమోదు చేయలేదు: పోలీసులు

నిజానికి ఇది కన్నడ మూవీ. తెలుగులోనూ విడుదల చేస్తున్నారు. కిందటేడాది మోషన్ పోస్టర్‌ను రిలీజ్ చేశారు. ఇప్పుడు ఈ సినిమా యాక్షన్ టీజర్‌ను ప్రేక్షకుల ముందుకు తీసుకొచ్చారు. ‘‘నేను యాక్షన్ కంటే లవ్‌నే ప్రిఫర్ చేస్తాను. లవ్ వద్దు యాక్షనే కావాలంటే నేను రెడీ’’ అంటూ హీరో పవర్‌ఫుల్‌గా చెప్పే డైలాగుతో టీజర్ మొదలైంది. ‘కిట్టు భాయ్ అంటే ఎవడో పోటుగాడు అనుకున్నా.. వీడిని చూస్తుంటే లవర్ బోయ్‌లా ఉన్నాడు’ అని విలన్‌తో హీరో గురించి డైలాగ్ చెప్పించారు. ‘ఇక్కడుంది లవర్ బోయ్ కాదుబే.. ఆరడుగుల మిసైల్. చెప్పేది జాగ్రత్తగా విను.. ఒక్కసారి వెపన్ లోడ్ చేసి లాంచ్ చేస్తే ఎలా ఉంటుందో తెలుసా ఇంపాక్ట్’ అంటూ హీరో చెప్పే డైలాగ్ హైలైట్. మొత్తం మీద యాక్షన్ టీజర్ అన్నందుకు అంతా డిష్యుం డిష్యుంలే చూపించారు.

Also Read:‘కరోనా వ్యాక్సిన్’తో వస్తోన్న ‘అ!’ దర్శకుడు

టీజర్ విడుదల సందర్భంగా డైరెక్టర్ సంజయ్ మాట్లాడుతూ.. ‘‘ప్రస్తుతానికి యాక్షన్ టీజర్‌ను విడుదల చేశాం. త్వరలో ఈ సినిమాకు సంబంధించిన మరిన్ని ఇంట్రెస్టింగ్ డిటైల్స్‌ను ప్రేక్షకుల ముందుకు తీసుకురాబోతున్నాం. అన్ని కార్యక్రమాలు పూర్తి చేసుకున్న ఈ చిత్రం తెలుగు, కన్నడ, తమిళ్, మలయాళ భాషల్లో విడుదల కానుంది. అన్ని వర్గాల ప్రేక్షకులను అలరించే అంశాలు ఈ సినిమాలో ఉండబోతున్నాయి. ముఖ్యంగా యాక్షన్ సన్నివేశాలు హైలెట్‌గా నిలుస్తాయి’’ అని అన్నారు. కాగా, భవస పందన ప్రొడక్షన్ ప్రైవేట్ లిమిటెడ్, బీఎండబ్ల్యూ బ్యానర్లపై రజత్ దుగోజి సలేంకి ఈ చిత్రాన్ని నిర్మిస్తున్నారు. లోకేష్ సంగీతం సమకూరుస్తున్నారు.

samayam telugu



Source link

Leave a Reply

Your email address will not be published. Required fields are marked *