leopard in hyderabad: హైదరాబాద్‌లో మళ్లీ చిరుత భయం.. యూనివర్సిటీ చుట్టు తిరుగుతూ.. – leopard again appers near rajendra nagar agriculture university


హైదరాబాద్ శివారులోని రాజేంద్రనగర్‌లో కొద్ది రోజుల క్రితం ఓ చిరుత పులి కలకలం రేపిన సంగతి తెలిసిందే. ఆ చిరుత మరోసారి మంగళవారం కనిపించింది. సోమవారం రాత్రి వ్యవసాయ విశ్వవిద్యాలయం సమీపంలో పులి తిరిగినట్లుగా అక్కడే అమర్చిన సీసీటీవీ కెమెరాల్లో రికార్డయింది. ఈ దృశ్యాలను గమనించిన సిబ్బంది అటవీ అధికారులను అప్రమత్తం చేశారు. వెంటనే చిరుత పులిని పట్టుకునేదుకు ప్రత్యేక బృందాలను ఏర్పాటు చేశారు. సీసీటీవీలో చిరుత పులి వెళ్లిన దిశ, దాని అడుగుల ఆధారంగా దాన్ని పట్టుకునేందుకు అధికారులు ప్రయత్నిస్తున్నారు. చిరుత పులిని పట్టుకొనేందుకు ఇప్పటికే రాజేంద్రనగర్‌ ప్రాంతంలో 20 నిఘా కెమెరాలను అధికారులు ఏర్పాటు చేశారు. వాటి ఫుటేజీని అధికారులు పూర్తిగా విశ్లేషిస్తున్నారు. చిరుత కదలికలను విశ్లేషిస్తున్నారు.

మే 14న కాటేదాన్ ప్రాంతంలో చిరుత పులి నడిరోడ్డుపై కలకలం సృష్టించిన విషయం తెలిసిందే. నడిరోడ్డుపై డివైడర్ వద్ద పడుకొని అటుగా వెళ్లేవారిని తీవ్రమైన భయానికి గురి చేసింది. అంతేకాక ఓ లారీ డ్రైవర్‌పై దాడి చేసింది. సమీపంలోని అటవీ ప్రాంతంలోకి వెళ్లిపోయిందని అధికారులు భావించారు. అయినా, అధికారులు దాన్ని పట్టుకునేందుకు తీవ్రంగానే ప్రయత్నించినా ఫలితం లేకపోయింది. ఆ తర్వాత మే నెలాఖరులో అగ్రికల్చర్‌ యూనివర్సిటీ సీసీటీవీ కెమెరాల్లో మళ్లీ చిరుత పులి జాడ కనిపించింది.

అక్కడి నుంచి అది గగన్‌పహాడ్‌ గుట్టల్లోని అటవీ ప్రాంతంలోకి వెళ్లినట్టుగా అధికారులు గుర్తించారు. ఇప్పుడు మళ్లీ ఆ విశ్వవిద్యాలయం చుట్టుపక్కలే చిరుత పులి తిరుగుతుండడాన్ని అధికారులు గుర్తించారు.



Source link

Leave a Reply

Your email address will not be published. Required fields are marked *