loan: Covid-19 పర్సనల్ లోన్స్: తక్కువ వడ్డీకే రూ.5 లక్షల రుణం.. అర్హతలు ఇవే! – coronavirus: check out covid-19 specific personal loans


ప్రధానాంశాలు:

  • కోవిడ్ 19 పర్సనల్ లోన్స్ అందిస్తున్న పలు బ్యాంకులు
  • తక్కువ వడ్డీ.. నో ప్రాసెసింగ్ ఫీజు
  • కేవలం ఎంపిక చేసిన కస్టమర్లకే ఈ బెనిఫిట్

బ్యాంకులు కోవిడ్ 19 పర్సనల్ లోన్స్ అందిస్తున్నాయి. బ్యాంక్ వద్ద శాలరీ అకౌంట్ కలిగిన వారు, బ్యాంక్ నుంచి పెన్షన్ తీసుకుంటున్న వారు, ఇదివరకే బ్యాంక్ నుంచి రుణం పొందిన వారికి ఈ ఫెసిలిటీ అందుబాటులో ఉంది. లాక్ డౌన్ వల్ల ఆర్థిక ఇబ్బందులు ఎదుర్కొంటున్న వారు ఈ తరహా రుణాలు తీసుకోవచ్చు. ఈ నేపథ్యంలో రెగ్యులర్ పర్సనల్ లోన్స్‌కు, కోవిడ్ 19 పర్సనల్ లోన్స్ మధ్య ఉన్న వ్యత్యాసాలను గమనిద్దాం.

బ్యాంకులు, ఎన్‌బీఎఫ్‌సీలు జాబ్ ప్రొఫైల్, నెలవారీ ఆదాయం, ఎంప్లాయర్ ప్రొఫైల్, క్రెడిట్ స్కోర్ వంటి పలు అంశాల ప్రాతిపదికన పర్సనల్ లోన్స్ అందిస్తాయి. అయితే కోవిడ్ 19 రుణాలను మాత్రం శాలరీ, లోన్, పెన్షన్ అకౌంట్లు కలిగిన వారికే ఇస్తున్నాయి.

Also Read: శుభవార్త.. భారీగా పడిపోయిన బంగారం ధర.. వెండి షాక్!

పర్సనల్ లోన్ కింద రూ.50,000 నుంచి రూ.20 లక్షల మధ్యలో రుణం పొందొచ్చు. అయితో కోవిడ్ 19 పర్సనల్ లోన్స్ కింద రూ.5 లక్షల వరకే లోన్ లభిస్తుంది. కనీసం రూ.25 వేలు రుణం తీసుకోవలసి ఉంటుంది. వడ్డీ రేట్ల విషయానికి వస్తే.. రెగ్యులర్ పర్సనల్ లోన్స్‌పై 9 నుంచి 24 శాతం మధ్యలో వడ్డీ రేట్లు ఉంటాయి. ప్రాసెసింగ్ ఫీజు 3 శాతం. అయితే కోవిడ్ 19 లోన్స్‌పై వడ్డీ రేటు 7.2 శాతం నుంచి 10.5 శాతం మధ్యలో ఉన్నాయి. బ్యాంకులు ప్రాసెసింగ్ ఫీజు కూడా వసూలు చేయడం లేదు.

Also Read: శుభవార్త.. భారీగా తగ్గిన గ్యాస్ సిలిండర్ ధర.. కొత్త రేట్లు ఇవే!

లోన్ టెన్యూర్ విషయానికి వస్తే.. రెగ్యులర్ పర్సనల్ లోన్స్ తీసుకుంటే రుణ మొత్తాన్ని ఐదేళ్లలోపు తిరిగి చెల్లించాల్సి ఉంటుంది. అదే కోవిడ్ 19 పర్సనల్ లోన్స్‌కు లోన్ టెన్యూర్ 3 ఏళ్లుగా ఉంది. బ్యాంకులు ఎంపిక చేసిన డిపాజిట్లకు, రుణ గ్రహీతలకు మాత్రమే ఈ రుణాలను అందిస్తున్నాయి.

ఇకపోతే క్రెడిట్ కార్డు కలిగిన వారు కార్డుపై ప్రిఅప్రూవ్డ్ లోన్స్ ఏమైనా ఉంటే వాటికి తీసుకోవచ్చు. హోమ్ లోన్ తీసుకున్న వారు టాప్ అప్ కోసం అప్లై చేసుకోవచ్చు. రెగ్యులర్ పర్సనల్ లోన్స్‌తో పోలిస్తే హోమ్ లోన్ టాపప్స్‌పై వడ్డీ రేట్లు తక్కువగానే ఉంటాయి. ఇంకా రుణ మంజూరీ కూడా త్వరితగతిన జరుగుతుంది.



Source link

Leave a Reply

Your email address will not be published. Required fields are marked *