Loan Moratorium: బ్యాంకులు ఎందుకు వడ్డీ వసూలు చేస్తున్నాయి? ఆర్‌బీఐకి సుప్రీం నోటీసులు!



కరోనా వైరస్ కారణంగా దేశ ఆర్థిక వ్యవస్థపై తీవ్ర ప్రతికూల ప్రభావం పడుతోంది. దాదాపు అన్ని రంగాలు చతికిలపడ్డాయి. వలస కూలీల దగ్గరి నుంచి చాలా మంది తీవ్ర ఇబ్బందులు ఎదుర్కొంటున్నారు. ప్రజల ఆదాయం తగ్గిపోయింది. దీంతో రిజర్వు బ్యాంక్ ఆఫ్ ఇండియా () కీలక నిర్ణయం తీసుకుంది. అదే లోన్ మారటోరియం. ఈఎంఐ కట్టకుండా మినహాయింపు ఇచ్చింది.

ఆర్‌బీఐ తొలిగా మూడు నెలల లోన్ మారటోరియం ప్రకటించింది. టర్మ్ లోన్స్‌కు ఇది వర్తిస్తుంది. పర్సనల్ లోన్, హోమ్ లోన్, వెహికల్ లోన్ వంటివి అన్నీ టర్మ్ లోన్స్ కిందకు వస్తాయి. అలాగే క్రెడిట్ కార్డు బకాయిలకు కూడా ఇది వర్తిస్తుంది. దీంతో మార్చి, ఏప్రిల్, మే నెలలకు సంబంధించి లోన్ ఈఎంఐ కట్టక్కర్లేదు. కానీ తర్వాత ఈ ఈఎంఐలు చెల్లించాలి.

Also Read:

తర్వాత ఆర్‌బీఐ ఈ మూడు నెలల మారటోరియం ఆప్షన్‌ను మరో మూడు నెలలు పొడిగించింది. జూన్, జూలై, ఆగస్ట్ నెలలకు కూడా లోన్ మారటోరియం ఫెసిలిటీ పొడిగిస్తూ ఆర్‌బీఐ నిర్ణయం తీసుకుంది. దీంతో లోన్ తీసుకున్న వారు ఆగస్ట్ నెల చివరి వరకు ఈఎంఐ చెల్లించాల్సిన పనిలేదు. అయితే ఇక్కడ కస్టమర్లు ఈఎంఐ కట్టకపోతే వడ్డీ మాత్రం ప్రతి నెలా పడుతూనే వస్తుంది. రుణ మొత్తానికి ఇది జమవుతుంది.

కోవిడ్ 19 వల్ల ప్రజలు తీవ్ర ఆర్థిక ఇబ్బందులు ఎదుర్కొంటున్న నేపథ్యంలో ఆర్‌బీఐ నిర్ణయం (వడ్డీ వసూలు చేయడం) సరైనది కదని గజేంద్ర శర్మ అనే వ్యక్తి సుప్రీం కోర్టుకు వెళ్లారు. ఈ అంశంపై స్పందించిన దేశ అత్యున్నత న్యాయ స్థానం రిజర్వు బ్యాంక్‌కు, కేంద్ర ప్రభుత్వానికి నోటీసులు జారీ చేసింది. వారం రోజుల్లోగా తమ నిర్ణయం తెలియజేయాలని గడువునిచ్చింది.



Source link

Leave a Reply

Your email address will not be published. Required fields are marked *