loan written off: రూ.68 వేల కోట్ల రుణాలు రద్దు! లిస్ట్‌లో మాల్యా, మెహుల్ చెక్సీ సంస్థలు – over rs 68,600 crore loans of wilful defaulters written off: rbi in rti reply


ప్రధానాంశాలు:

  • టెక్నికల్‌గా రైటాఫ్ చేసిన ఆర్‌బీఐ
  • ఆర్‌టీఐ ద్వారా వెలుగులోకి
  • లిస్ట్‌లో మెహుల్ చోక్సీ, మాల్యా కంపెనీలు

రుణ ఎగవేతదారులకు సంబంధించిన ఒక సంచలన అంశం తాజాగా వెలుగులోకి వచ్చింది. రిజర్వు బ్యాంక్ ఆఫ్ ఇండియా (ఆర్‌బీఐ) బ్యాంకుల నుంచి లోన్ తీసుకొని వాటిని తిరిగి చెల్లించని టాప్ 50 రుణ ఎగవేతదారుల రుణాలను టెక్నికల్‌గా రైటాఫ్ చేసిందనే అంశం ఆర్‌టీఐ ద్వారా తెలిసింది. వీరంతా ఎగవేసిన మొత్తం విలువ ఏకంగా రూ.68,607 కోట్లుగా ఉండటం గమనార్హం.

టాప్ 50 జాబితాలో లిక్కర్ కింగ్ విజయ్‌ మాల్యా, మెహుల్‌ చోక్సీ వంటి వ్యాపారవేత్తలకు చెందిన సంస్థలు కూడా ఉన్నాయి. సమాచార హక్కు చట్టం (RTI) కింద వచ్చిన దరఖాస్తుకు సంబంధించి ఆర్‌బీఐ ఈ మేరకు సమాధానం ఇచ్చింది. గతేడాది సెప్టెంబర్‌ 30 నాటి వరకు చూస్తే.. టాప్‌ 50 జాబితాలో.. గీతాంజలి జెమ్స్‌ ( మెహుల్ చోక్సీకి చెందిన సంస్థ) అత్యధికంగా రూ.5,492 కోట్ల బాకీలు చెల్లించాల్సి ఉంది.

Also Read: గుడ్ న్యూస్.. దిగొచ్చిన బంగారం ధర.. వెండి పతనం!

అలాగే ఆర్‌ఈఐ ఆగ్రో రూ. 4,314 కోట్లు, విన్‌సమ్‌ డైమండ్స్‌ రూ. 4,076 కోట్లు కట్టాల్సి ఉంది. మాల్యాకు చెందిన కింగ్‌ఫిషర్‌ ఎయిర్‌లైన్స్‌ రూ.1,943 కోట్ల బాకీలతో 9వ స్థానంలో ఉంది. ఇక డెక్కన్‌ క్రానికల్‌ హోల్డింగ్స్‌ రూ. 1,962 కోట్లు, ట్రాన్స్‌ట్రాయ్‌ రూ. 1,790 కోట్లు బాకీ పడ్డాయి. ఆర్‌టీఐ కార్యకర్త సాకేత్‌ గోఖలే ఫిబ్రవరి 16న ఎగవేతదారుల వివరాల కోసం ఆర్‌బీఐకి దరఖాస్తు చేశారు. అయితే అప్పట్లో ఆ వివరాలు అందుబాటులో లేవని పేర్కొన్న రిజర్వ్‌ బ్యాంక్‌.. ఏప్రిల్‌ 24న రాతపూర్వక సమాధానం ఇచ్చింది.



Source link

Leave a Reply

Your email address will not be published. Required fields are marked *