lockdown 5 new guidelines: Lockdown 5.0: మాల్స్‌కు గ్రీన్‌ సిగ్నల్.. వీటికి అనుమతి, వీటికి లేవు – central govt issues new guidelines for reopening of activities outside containment zones for june


కేంద్ర ప్రభుత్వం దేశవ్యాప్త లాక్ డౌన్‌ను జూన్ 30 వరకూ పొడిగించింది. దీన్ని కంటైన్మెంట్ జోన్లకే పరిమితం చేసిన ప్రభుత్వం.. సాధారణ ప్రాంతాల వారికి భారీగా సడలింపులను ఇచ్చింది. ఈ సడలింపులు దేశంలో ఉన్న కంటైన్మెంట్ జోన్లకు ఏ మాత్రం వర్తించబోవని స్పష్టం చేసింది. జూన్ నెల మొత్తానికి ఈ మార్గదర్శకాలు వర్తిస్తాయని పేర్కొంటూ శనివారం కేంద్ర హోంమంత్రిత్వశాఖ వివరించింది. అయితే, వీటిని దశల వారీగా సడలించనున్నారు. ప్రస్తుత దశను అన్‌లాక్ 1గా పేర్కొంటూ ఆర్థిక వృద్ధికి దోహదం చేసే కార్యకలాపాలపై తొలుత దృష్టిసారించారు. కేంద్ర హోంమంత్రిత్వశాఖ విడుదల చేసిన మార్గదర్శకాలు ఇవీ..

అన్‌లాక్ 1, ఫేజ్-1లోని సడలింపులివీ..
* కొత్త మార్గదర్శకాల ప్రకారం రాత్రిపూట కర్ఫ్యూను కాస్త సడలించారు. ఇక నుంచి రాత్రి 9 నుంచి తెల్లవారుజామున 5 వరకూ కర్ఫ్యూ ఉండనుంది.
* జూన్ 8 నుంచి దేవాలయాలు, మసీదులు, మాల్స్, రెస్టారెంట్లను, హోటళ్లు తెరుచుకొనేందుకు అనుమతించారు.

ప్రస్తుతానికి అనుమతి లేనివి
ఫేజ్-2
* రాష్ట్రాలు, కేంద్ర పాలిత ప్రాంతాలు, విద్యాసంస్థల యాజమాన్యాలతో సంప్రదింపుల అనంతరం వాటిని పున:ప్రారంభించడంపై నిర్ణయాన్ని జులైలో ప్రకటిస్తారు. అన్ని విద్యాసంస్థలు, శిక్షణ సంస్థలు, కాలేజీలన్నీ ఈ కోవలోకే వస్తాయి.
* వీటి ప్రారంభానికి సంబంధించిన ఎస్ఓపీని కేంద్ర మంత్రిత్వశాఖలు, ఇతర నిపుణులను సంప్రదించి ఆరోగ్య శాఖ రూపొందించనుంది.

ఫేజ్-3
అప్పటి పరిస్థితులను బట్టి అంతర్జాతీయ విమానసర్వీసులు, మెట్రో రైలు సర్వీసులు, సినిమా హాళ్లు, జిమ్ సెంటర్లు, స్విమ్మింగ్ పూల్స్, ఎంటర్‌టైన్మెంట్ పార్కులు, బార్లు, ఆడిటోరియాలు, అసెంబ్లీ వంటి వాటికి అనుమతిస్తారు.

Also Read:

బిగ్ న్యూస్.. జూన్ 30 వరకు లాక్ డౌన్ పొడిగింపు

Also Read:

మృతదేహం బ్యాగు తెరిచినందుకు.. 18 మందికి కరోనా పాజిటివ్



Source link

Leave a Reply

Your email address will not be published. Required fields are marked *