Lockdown Crisis: ఆటో డ్రైవర్లకు 11 వేల రేషన్ కిట్స్.. వాహన తయారీ సంస్థ PIAGGIO ఉదారత – piaggio vehicles private ltd distributes 11k ration kits among auto drivers in lockdown crisis


రోనా వైరస్ కట్టడి కోసం విధించిన లాక్‌డౌన్‌తో పేదలు, కూలీలు, చిరు వ్యాపారులు తీవ్ర ఇబ్బందులు పడుతున్నారు. కేసులు అంతకంతకూ పెరుగుతుండటంతో లాక్‌డౌన్ పొడిగించడం వల్ల చాలా మంది జీవితాలు తలకిందులు అవుతున్నాయి. లాక్‌డౌన్‌తో తీవ్రంగా ఇబ్బందులు పడుతున్న వారిలో ఆటో డ్రైవర్లు, క్యాబ్ డ్రైవర్లు కూడా ఉన్నారు. ఆటో డ్రైవర్ల కుటుంబాలను ఆదుకోవడానికి ప్రముఖ సంస్థ ప్యాగో (PIAGGIO) గ్రూపునకు చెందిన ప్యాగో వెహికిల్స్‌ ప్రైవేట్ లిమిటెడ్ గొప్ప ఉదారతతో ముందుకొచ్చింది.

ఆటో డ్రైవర్ కుటుంబాలకు 11000కు పైగా రేషన్ కిట్స్‌‌ను విరాళంగా అందించినట్లు ప్యాగో వెహికిల్స్ ప్రైవేట్ లిమిటెడ్ వెల్లడించింది. ఒక్కో కిట్‌ ఒక్కో ఆటో డ్రైవర్‌ కుటుంబాన్ని రెండు నెలల పాటు పోషించగలుగుతుందని తెలిపింది. కరోనా సంక్షోభ సమయం నుంచి గట్టెక్కడంలో ఈ వర్గానికి సంఘీభావం ప్రకటించేందుకు ముందుకొచ్చినట్లు పేర్కొంది.

కార్పొరేట్‌ సామాజిక బాధ్యతగా ఈ ఉచిత రేషన్‌ కిట్స్‌ పంపినీ చేపట్టినట్లు ప్యాగో వెల్లడించింది. ఒక్కో కిట్‌ ఒక్కో కుటుంబానికి కనీసం రెండు నెలల కాలానికి ప్రాథమిక ఆహార భద్రతను అందిస్తుందని.. సగటున నలుగురు సభ్యులు కలిగి ఉండే కుటుంబానికి సరిపడే విధంగా ఈ రేషన్‌ కిట్లు ఉన్నాయని తెలిపింది. వీటిలో డ్రై రేషన్‌‌తో పాటు ఫేస్‌ మాస్క్‌‌లు, సబ్బులు, శానిటైజర్లు ఉన్నాయని తెలిపింది.

ద్విచక్ర వాహనాల్లో యురోపియన్‌ లీడర్‌‌గా, భారతదేశ అగ్రగామి చిన్న వాణిజ్య వాహన తయారీ సంస్థగా తమ సంస్థకు గుర్తింపు ఉందని ప్యాగో వెహికిల్స్‌ ప్రైవేట్ లిమిటెడ్ తెలిపింది. దేశవ్యాప్తంగా మే 28న డీలర్‌‌షిప్‌ నెట్‌‌వర్క్‌ సాయంతో ఈ పంపిణీ కార్యక్రమం ప్రారంభించినట్లు వెల్లడించింది.

‘ఈ కష్ట కాలంలో మేం ఆటో డ్రైవర్లు, రవాణా కార్మిక సమాజానికి అండగా నిలుస్తాం. ఊహించని కొవిడ్‌-19 పరిస్థితితో వారు ఎన్నో కష్టాలను ఎదుర్కొంటున్నారు. గతంలో మేం మా త్రిచక్ర కొనుగోలు దారులందరికీ వారంటీ పొడిగింపు ప్రకటించాం. ఇప్పుడు ఈ వర్గానికి చెందిన వారికి రెండు నెలల పాటు ప్రాథమిక ఆహార భద్రత కల్పించేలా మద్దతు అందించేందుకు నిర్ణయించాం’ అని ప్యాగో వెహికిల్స్‌ ప్రైవేట్ లిమిటెడ్ ఎండీ, సీఈఓ డియాగో గ్రాఫి పేర్కొన్నారు.

Also Read:రష్యాలో రక్తాన్ని పీల్చే పురుగులు.. కొత్త ముప్పు



Source link

Leave a Reply

Your email address will not be published. Required fields are marked *