Lockdown Extension in India: లాక్‌డౌన్‌: ఇప్పటికే లక్షల కోట్లు నష్టం, ఉపాధికి దెబ్బ.. పొడిగిస్తే పరిస్థితేంటి? – covid-19 pandemic: can india afford the extension of lockdown?


కరోనా కట్టడి కోసం దేశవ్యాప్తంగా విధించిన లాక్‌డౌన్ మే 3తో ముగియనుంది. దీంతో దేశంలో ఆర్థిక కార్యకలాపాలు ఎక్కడికక్కడ నిలిచిపోయాయి. మొదట ఏప్రిల్ 14 వరకు లాక్‌డౌన్ విధిస్తున్నట్లు ప్రకటించిన ప్రధాని మోదీ అనంతరం దాన్ని మే 3 వరకు పొడిగిస్తున్నట్లు తెలిపారు. లాక్‌డౌన్ 2.0 ముగింపు గడువు కూడా దగ్గర పడుతోంది. కానీ దేశంలో కోవిడ్ కేసుల సంఖ్య మాత్రం తగ్గడం లేదు. ఇలాంటి సమయంలో లాక్‌డౌన్‌ను కొనసాగిస్తారా లేదా ఎత్తివేస్తారా అనేది ఆసక్తికరంగా మారింది.

ఒకవేళ లాక్‌డౌన్‌ను పొడిగిస్తే దాని ప్రభావాలను దేశం భరించగలదా అనే ప్రశ్న కూడా తలెత్తుతోంది. లాక్‌డౌన్ కారణంగా ఇప్పటికే ఆర్థికంగా చాలా ఇబ్బందులు తలెత్తుతున్నాయి. 34 రోజుల లాక్‌డౌన్ కారణంగా దేశ జీడీపీకి 10.2 లక్షల కోట్ల నుంచి రూ. 13.6 లక్షల కోట్ల వరకు నష్టం వాటిల్లిందని అంచనా. అంతే కాదు ఉద్యోగాలపైనా తీవ్ర ప్రభావం పడనుంది. నిరుద్యోగ రేటు భారీగా పెరిగే అవకాశం ఉంది.

లాక్‌డౌన్ కారణంగా దేశ ఆర్థిక వ్యవస్థకు రోజుకు రూ.30-40 వేల కోట్ల నష్టం వాటిల్లుతోంది. అంతే కాదు 37.3 కోట్ల మంది శ్రామికులు రోజుకు రూ.10 వేల కోట్ల మేర ఆదాయాన్ని కోల్పోతున్నారు. లాక్‌డౌన్ కారణంగా ఇప్పటి వరకూ 34 రోజుల్లో రూ.2.4 లక్షల కోట్ల ఆదాయాన్ని కోల్పోయాం.

40 రోజుల తర్వాత కూడా లాక్‌డౌన్‌ను పొడిగిస్తే కరోనా కట్టడి చేయొచ్చేమో గానీ జీడీపీపై ప్రభావం పడే అవకాశం ఉంది. లాక్‌డౌన్ కారణంగా 10 కోట్ల మంది ఉపాధి కోల్పోయే ప్రమాదం ఉంది. లాక్‌డౌన్‌ను మరో 4 వారాలు పొడిగిస్తే 25 శాతం సూక్ష్మ, మధ్యతరహా సంస్థలు మూతపడే ముప్పు ఉంది. మరో 8 వారాలు ఇదే పరిస్థితి కొనసాగితే 43 శాతం ఎంఎస్ఎంఈలపై మూతపడతాయి.

ఓవైపు కరోనా మహమ్మారి, మరోవైపు ఆర్థిక వ్యవస్థపై ప్రభావం ఇలాంటి పరిస్థితుల్లో కేంద్రం లాక్‌డౌన్ పొడిగిస్తుందా..? ఒకవేళ పొడిగిస్తే ఆర్థిక వ్యవస్థకు ఎంత మేర నష్టం వాటిల్లనుందో చెప్పలేం. దీంతో మధ్యే మార్గంగా గ్రీన్ జోన్ ప్రాంతాల్లో ఆర్థిక కార్యకలాపాలకు కేంద్రం గ్రీన్ సిగ్నల్ ఇచ్చే అవకాశమూ ఉంది.



Source link

Leave a Reply

Your email address will not be published. Required fields are marked *