lockdown guidelines : లాక్ డౌన్ కొత్త రూల్స్.. బ్యాంక్ కస్టమర్లు కచ్చితంగా తెలుసుకోవాల్సిన అంశాలివే! – covid 19: new guidelines for banks, atms and other services during lockdown 2.0


కరోనా వైరస్‌ను ఎదుర్కోవడానికి కేంద్ర ప్రభుత్వం లాక్ డౌన్‌ను మే 3 వరకు పొడిగించింది. ఈ నేపథ్యంలోనే కేంద్ర హోం శాఖ తాజాగా లాక్ డౌన్ 2.0 మార్గదర్శకాలను విడుదల చేసింది. ఇవి ఏప్రిల్ 20 నుంచి అమలులోకి వస్తాయి. లాక్ డౌన్‌ అమలులో ఉన్నప్పుడు ఏ ఏ సర్వీసులు అందుబాటులో ఉంటాయి.. మరే ఇతర సర్వీసులు అందుబాటులో ఉండవు అనే అంశాలకు సంబంధించి ఈ మార్గదర్శకాలు వెలువడ్డాయి.


ఫైనాన్షియల్ రంగానికి కూడా లాక్ డౌన్ మార్గదర్శకాలు వర్తిస్తాయి. కొన్ని ఆర్థిక సేవలు ఎప్పటిలాగానే కొనసాగుతాయి. పైనాన్షియల్ రంగం అంటే రిజర్వు బ్యాంక్ ఆఫ్ ఇండియా (ఆర్‌బీఐ), బ్యాంక్స్, ఏటీఎంలు, డెట్ మార్కెట్స్ వంటి వాటి గురంచి ప్రధానంగా చెప్పుకోవాలి. హోం శాఖ కొత్త లాక్ డౌన్ మార్గదర్శకాల్లో వీటి ప్రస్థావన కూడా ఉంది.

Also Read: షాక్.. భారీగా పెరిగిన బంగారం ధర.. లేటెస్ట్ రేట్లు ఇలా!

కొత్త లాక్ డౌన్ రూల్స్ ప్రకారం.. పైనాన్షియల్ రంగంలో ఏ ఏ సేవలు అందుబాటులో ఉంటాయో తెలుసుకుంద్దాం..


1. రిజర్వు బ్యాంక్ ఆఫ్ ఇండియా (RBI), దీని నియంత్రణలోని ఫైనాన్షియల్ మార్కెట్లు యథావిథిగా పని చేస్తాయి. అంటే ఎన్‌పీసీఐ, సీసీఐఎల్, పేమెంట్ సిస్టమ్ ఆపరేటర్స్, స్టాండలోన్ ప్రైమరీ డీలర్స్ సేవలు అందుబాటులో ఉంటాయి.

2. బ్యాంక్ బ్రాంచులు, ఏటీఎంలు, బ్యాంకింగ్ కార్యకలాపాలకు చెందిన ఐటీ వెండర్స్, బ్యాంకింగ్ కరస్పాండెంట్స్, ఏటీఎం ఆపరేషన్స్, క్యాష్ మేనేజ్‌మెంట్ ఏజెన్సీలు పనిచేస్తాయి.

3. డీబీటీ క్యాష్ ట్రాన్స్‌ఫర్ పంపిణీ పూర్తయ్యే దాకా బ్యాంక్ బ్రాంచులు సాధారణ వర్కింగ్ అవర్స్‌లో పనిచేస్తాయి. వీటి సేవలు యథావిథిగానే కొనసాగుతాయి.

4. బ్యాంక్ బ్రాంచులు, బ్యాంకింగ్ కరస్పాండెట్స్ వద్ద వ్యక్తికి వ్యక్తికి మధ్య దూరం ఉండేలా చూసుకునే బాధ్యత మాత్రం స్థానిక అడ్మినిస్టేషన్‌దే.

5. మార్కెట్ రెగ్యులేటర్ సెబీ రూల్స్‌కు అనుగుణంగా క్యాపిటల్ మార్కెట్లు, డెట్ మార్కెట్లు పనిచేస్తాయి.

6. ఇన్సూరెన్స్ రెగ్యులేటర్ ఐఆర్‌డీఏఐ, బీమా రంగ కంపెనీల కార్యకలాపాలు కూడా యథావిథిగానే కొనసాగుతాయి.





Source link

Leave a Reply

Your email address will not be published. Required fields are marked *