lockdown telangana updates : హైదరాబాద్‌లో మద్యం నిల్వలు.. తనిఖీల్లో భారీగా స్వాధీనం – hyderabad excise police identifies liquor stocks in neredmet


లాక్ డౌన్ సమయంలో నిబంధనలకు విరుద్ధంగా అక్రమంగా మద్యం విక్రయిస్తున్న ముఠాను పోలీసులు అరెస్టు చేశారు. హైదరాబాద్‌లో ఎక్సైజ్ పోలీసులకు సమాచారం రావడంతో నేరేడ్‌మెట్, వినాయక్ నగర్, మల్కాజ్‌గిరి ప్రాంతాల్లో ఇద్దరు వ్యక్తుల ఇంటిపై దాడి చేసి మద్యం సీసాలను స్వాధీనం చేసుకున్నారు. వినాయక్ నగర్‌లో నివాసం ఉంటున్న బండి విశ్వనాథ్ (32) ఇంట్లో 144 మద్యం బాటిళ్లు లభ్యమయ్యాయి.


అలాగే మంగళవారం మధ్యాహ్న సమయంలో కూడా ఓల్డ్ సఫిల్‌గూడ ప్రాంతంలో ఉండే అమర్ నాథ్(28) అనే వ్యక్తి ఇంట్లో కూడా 204 మద్యం బాటిళ్లను అధికారులు స్వాధీనం చేసుకున్నారు. ఇద్దరు వ్యక్తులు అధిక ధరలకు మద్యం విక్రయిస్తున్నట్లుగా సమాచారం రావడంతో వారి ఇళ్లపై దాడి చేసి 348 మద్యం బాటిళ్లు, రెండు కార్లు, ఒక హోండా ఏక్టివా మోటార్ సైకిల్‌ను స్వాదీనం చేసుకున్నారు. ఈ దాడిలో మల్కాజ్ గిరి ఎక్సైజ్ పోలీసులతో పాటు ఎస్టీఎఫ్ టీమ్ పాల్గొన్నారు. స్వాధీనం చేసుకున్న మద్యం దాదాపు విలువ 1.5 లక్షలు ఉంటుందని పోలీసులు తెలిపారు.

Also Read:
లాక్‌డౌన్‌లో కరెంటు బిల్లుపై ప్రభుత్వం ఆఫర్.. ఆ తర్వాత మళ్లీ..

లాక్ డౌన్ వేళ మద్యం అక్రమ రవాణా కోసం కొందరు అక్రమార్కులు కొత్త కొత్త దారులు వెతుకుతున్న సంగతి తెలిసిందే. వరంగల్ రూరల్ జిల్లాలో అక్రమ మద్యం రవాణా వ్యవహార దందా గుట్టు రట్టయింది. మద్యం కేసులను కార్లలో పెద్ద ఎత్తున తరలించేందుకు నిందితులు ఏకంగా పోలీసుల ముసుగు ధరించడం గమనార్హం. కార్లకు పోలీస్ అనే స్టిక్కర్ అతికించి, అందులో మద్యం బాటిళ్లను పెద్ద ఎత్తున రవాణా చేస్తున్నారు.

Also Read:
లిక్కర్ అక్రమ రవాణాకు దిమ్మతిరిగే మార్గాలు.. పట్టుకున్న పోలీసులు





Source link

Leave a Reply

Your email address will not be published. Required fields are marked *