lockdown till may 3 : మే 3 వరకు లాక్ డౌన్… మన దగ్గర వేరే దారి లేదు: ప్రధాని మోదీ – lockdown will be extended across india till may 3: pm narendra modi


లాక్ డౌన్ నిర్ణయమే భారత్‌కు సరైనదన్నారు ప్రధాని మోదీ. సామాజిక దూరంతోనే చాలా లాభం చేకూరిందన్నారు. ఆర్థిక దృష్టితో చూస్తే … ఈ నిర్ణయంతో మనకు చాలా నష్టమన్నారు. దీనికి భారీ మూల్యం కూడా చెల్లించాల్సి ఉంటుందన్నారు. కానీ దేశ ప్రజలకంటే ఇది మనకు ఏదీ ముఖ్యమైనది కాదన్నారు ప్రధాని. రాష్ట్రాలు సైతం దీన్ని చాలా సమర్థవంతంగా నిర్వహించాయన్నారు. విపత్కర పరిస్థితుల్లో బాగా పనిచేస్తున్నాయన్నారు. ఇంతలా అంతా పనిచేస్తున్నప్పటికీ కరోనా వైరస్ విజృంభిస్తుంది. లాక్ డౌన్ పొడిగించాలనే అనేక రాష్ట్రాలు ఇప్పటికే నిర్ణయాలు తీసుకున్నాయి. అన్నిపరిస్థితుల్ని దృష్టిలో ఉంచుకొని లాక్ డౌన్ పొడిగించాలని నిర్ణయం తీసుకున్నారు. మే 3 వరకు భారత్‌ లాక్ డౌన్‌లోనే ఉండాలి. దేశ ప్రజలందరికీ ఇదే నా విన్నపం అన్నారు ప్రధాని. కరోనాను ఎట్టి పరిస్థితుల్లోనే విస్తరింపచేయకూడదని పిలుపునిచ్చారు. కరోనా మృతులు, కేసులు ఇకపై ఏ మాత్రం పెరిగినా ఇది మనకు అత్యంత దుర్భరనీయమైన పరిస్థితి అన్నారు మోదీ.

దేశప్రజలు కృషి వల్లే కరోనా వైరస్ ప్రభావం భారత్‌పై తగ్గిందన్నారు ప్రధాని మోదీ. అన్నికష్టాలు ఊదార్చుకొని దేశ ప్రజలు భారత్‌ను కాపాడారన్నారు. చాలామందికి లాక్ డౌన్ వల్ల అనేక కష్టాలు వచ్చాయన్నారు. కొందరికి తినడానికి తిండి దొరకలేదన్నారు. మరికొందరు ప్రయాణాల్లో కష్టాలు పడ్డారన్నారు. చాలామంది బంధువులకు అయినవారికి దూరంగా ఉన్నారన్నారు. ఓ సైనికుడిలా దేశం కోసం ప్రతీ పౌరుడు కర్తవ్యాన్ని కొనసాగిస్తున్నాడన్నారు. దేశ ప్రజలందరికీ ఈ సందర్భంగా హృదయపూర్వక నమస్కారాలు తెలియజేశారు ప్రధాని. అంబేద్కర్ జయంతి రోజున మన ఈ సంకల్పమే ఆయనకు నిజమైన నివాళి అన్నారు. దేశ ప్రజలందరి తరపున అంబేద్కర్‌కు నమస్కారాలు తెలిపారు.

భారత్ నిత్యం ఉత్సవాలతో కళకళలాడుతూ ఉంటుందన్నారు. దేవ ప్రజలంతా ఎప్పుడూ ఏదో ఓ పండగలతో సందడిగా ఉంటారన్నారు. నిత్యం ఉత్సవాలతో భారత్ ఎప్పుడూ పచ్చగా ఉంటుందన్నారు. కానీ ఆ పండగల్ని సైతం దూరం పెట్టి దేవ ప్రజలంతా లాక్ డౌన్ పాటిస్తున్నారన్నారు. ఇంటికే పరిమితమై పండగల్ని ఎందో సాధారణంగా జరుపుకుంటున్నారన్నారు. ఇవన్నీ చాలా ప్రేరణ, ప్రశంసనీయమైన అంశాలన్నారు ప్రధాని మోదీ.





Source link

Leave a Reply

Your email address will not be published. Required fields are marked *