lockdown violations in hyderabad : బయట తిరిగేవారు ఇక నేరుగా జైలుకే.. సీపీ స్ట్రాంగ్ వార్నింగ్ – hyderabad cp anjani kumar strong warning to citizens who violates lockdown


తెలంగాణ రాష్ట్రంలో పకడ్బందీగా లాక్ డౌన్ అమలు జరుగుతుందని తెలంగాణ డీజీపీ మహేందర్ రెడ్డి అన్నారు. డ్యూటీలో ఉన్న వైద్యులపై ఈ మధ్య పలు చోట్ల దాడులు జరిగాయని.. ఎవరైనా వైద్యులు, వైద్య సిబ్బందిపై దాడి చేస్తే కఠిన చర్యలు తీసుకుంటామని డీజీపీ హెచ్చరించారు. 1897-2018 యాక్ట్ ప్రకారం చట్టపరంగా నిందితుల పై కఠిన చర్యలు ఉంటాయని స్పష్టం చేశారు. దాడులకు పాల్పడితే వెంటనే దాడి చేసిన వారిని అరెస్టు చేస్తామని చెప్పారు.


అత్యవసరం లేకున్నా వాహనాలపై బయట తిరుగుతున్న వాళ్ళను జైలుకు పంపిస్తామని నగర పోలీస్ కమిషనర్ అంజనీకుమార్ గట్టి హెచ్చరికలు చేశారు. లాక్ డౌన్‌కు ప్రతి ఒక్కరూ సహకరించాలని కోరారు. ప్రజలు సహకరిస్తేనే కరోనా వైరస్ వ్యాప్తిని అడ్డుకోగలుగుతామని అన్నారు. 99 శాతం మంది ప్రజలు లాక్‌డౌన్ నిబంధనలు పాటిస్తున్నారని, 1% మాత్రమే ఉల్లంఘిస్తున్నారని తెలిపారు. అలాంటి వాళ్ళవల్ల ఇన్ని రోజుల కష్టం వృథా అవుతుందని హెచ్చరించారు. పిల్లలు బయటికు రాకుండా పెద్దలు జాగ్రత్తలు తీసుకోవాలని కోరారు. అత్యవసరమైతే తప్ప బయటికి పంపించవద్దని కోరారు. ఎమర్జెన్సీ సర్వీసులు కొనసాగుతున్నాయని, ప్రజల సౌకర్యం కోసం ఆ ఏర్పాట్లు చేశామని అన్నారు.

పోలీసులు 24 గంటలు కరోనా విధులు నిర్వర్తిస్తున్నారని వాళ్లకు ప్రజలు కూడా సహకరించాలని కోరారు. లాక్‌డౌన్ నిబంధనలు ఉల్లంఘించిన 18 మందిపై కేసులు నమోదు చేశామని చెప్పారు. 3,500 పీటీ కేసులు, నిబంధనలు ఉల్లంఘించిన వివిధ సంస్థలపై 182 కేసులు నమోదు చేశామని తెలిపారు. నిబంధనలు ఉల్లంఘించిన 17 వేల మందిపై ట్రాఫిక్ విభాగం కేసులు నమోదు చేసిందని తెలిపారు. ఇప్పటి వరకు 2,724 వాహనాలను సీజ్ చేశామన్నారు.





Source link

Leave a Reply

Your email address will not be published. Required fields are marked *