lorry fire accident: ఏపీలో బిస్కెట్ల లోడ్‌తో వెళ్తున్న లారీ దగ్ధం – container truck travelling with a load of biscuits caught fire in andhra pradesh


ఆంధ్రప్రదేశ్‌లో అగ్ని ప్రమాదం చోటు చేసుకుంది. ఈ ఘటనలో బిస్కెట్ల లోడుతో వెళ్తున్న కంటైనర్ లారీ మంటలు చెలరేగాయి. దీంతో సుమారు రూ. 26 లక్షలు విలువైన బిస్కెట్లు కాలి బూడిదయ్యాయి. అనంతపురం జిల్లా పెనుగొండ సమీపంలోని 44వ జాతీయ రహదారిపై గురువారం ఉదయం ఈ అగ్ని ప్రమాదం జరిగింది. హైదరాబాద్‌ నుంచి బెంగళూరుకు ఓకంటైనర్ లారీలో హైడెన్‌సీక్‌, పార్లే బిస్కెట్లను తరలిస్తున్నారు. లారీలో అకస్మాత్తుగా మంటలు చెలరేగాయి. ఇది గమనించిన లారీ డ్రైవర్‌ వెంకటాచలం వెంటనే అప్రమత్తం అయ్యాడు. డయల్‌ 100కు కాల్ చేసి సమాచారం అందించాడు. లారీని రోడ్డు పక్కన నిలిపివేశాడు.

లారీ నిలిపివేసిన కొద్ది సేపటికే మంటలు పెద్ద ఎత్తున చెలరేగి కంటైనర్‌ దగ్ధమైంది. ప్రమాదంలో సుమారు రూ.26 లక్షలు విలువ చేసే బిస్కెట్లు మంటల్లో కాలి ఆగ్నికి ఆహుతయ్యాయి. సమాచారం అందుకున్న పోలీసులు, అగ్నిమాపక సిబ్బంది ఘటనాస్థలికి చేరుకుని మంటలను అదుపు చేశారు. గ్రామస్థుల సహకారంతో కొన్ని బిస్కెట్‌ ప్యాకెట్లను బయటకు తీశారు. ఈ ప్రమాదంపై కేసు నమోదు చేసిన పోలీసులు దర్యాప్తు ప్రారంభించారు. లారీలో మంటలు చెలరేగడానికి కారణాలు ఏంటన్న దానిపై విచారణ చేపట్టారు. లారీ డ్రైవర్‌ను కూడా ప్రశ్నిస్తున్నారు.



Source link

Leave a Reply

Your email address will not be published. Required fields are marked *