శుభవార్త: ఉచితంగా గ్యాస్ సిలిండర్.. వారికి రూ.1,000.. స్వయం సహాయక గ్రూపులకు రుణాలు! –

కరోనా వైరస్ కారణంగా నెలకొన్న లాక్‌డౌన్ పరిస్థితుల నుంచి ఆర్థిక వ్యవస్థను గట్టెక్కిండానికి కేంద్ర ప్రభుత్వం రూ.1.7 లక్షల కోట్ల ఆర్థిక ప్యాకేజీ ప్రకటించింది. ఆర్థిక మంత్రి నిర్మలా సీతారామన్ పలు కీలక నిర్ణయాలు తీసుకున్నారు. దీంతో చాలా మందికి ప్రయోజనం కలుగనుంది.


ఉజ్వల స్కీమ్ కింద బీపీఎల్ కుటుంబాలకు వచ్చే మూడు నెలలపాటు ఉచిత గ్యాస్ అందిస్తామని నిర్మలమ్మ ప్రకటించారు. అంతేకాకుండా పేద సీనియర్ సిటిజన్స్, వికలాంగులు, వితంతువులకు నగదు బదిలీ ప్రయోజనాన్ని అందిస్తామని తెలిపారు. వీరికి రూ.1,000 అందజేస్తామని పేర్కొన్నారు. వచ్చే మూడు నెలల కాలంలో రెండు ఇన్‌స్టాల్‌మెంట్లలో ఈ డబ్బులు అందజేస్తామని తెలిపారు. అంతేకాకుండా స్వయం సహాయక గ్రూప్స్‌కు రూ.20 లక్షల వరకు తనఖా లేని రుణాలు అందిస్తామని పేర్కొన్నారు.

Also Read: మహిళలకు మోదీ తీపికబురు.. బ్యాంక్ ఖాతాలోకి డబ్బులు.. ఎంతంటే?

అంతేకాకుండా జన్ ధన అకౌంట్ కలిగి మహిళలకు నెలకు రూ.500 అందిస్తున్నట్లు కేంద్ర ప్రభుత్వం ప్రకటించింది. ఇలా మూడు నెలలపాటు డబ్బులు అందజేస్తామని పేర్కొంది. మోదీ సర్కార్ తీసుకున్న ఈ నిర్ణయంతో ఏకంగా 20 కోట్ల మంది అకౌంట్ దారులకు ప్రయోజనం కలుగనుంది. ఇకపోతే ప్రధాన మంత్రి నరేంద్ర మోదీ 2014 ఆగస్ట్ నెలలో జన్ ధన్ యోజన స్కీమ్‌ను ఆవిష్కరించిన విషయం తెలిసిందే.

Also Read: SBI కస్టమర్లకు హెచ్చరిక: బ్యాంక్ టైమింగ్స్ మారాయి.. కొత్త పనివేళలు ఇవే!

మరోవైపు కేంద్రం ఈపీఎఫ్‌వో సబ్‌స్క్రైబర్లకు కూడా తీపికబురు అందించింది. పీఎఫ్ రూల్స్ సవరించింది. దీంతో పీఎఫ్ అకౌంట్ నుంచి ఇప్పుడు ఏకంగా 75 శాతం మొత్తాన్ని విత్‌డ్రా చేసుకోవచ్చు. లేదంటే మూడు మూడు నెలల వేతనానికి సమానమైన మొత్తాన్ని అయినా వెనక్కి తీసుకోవచ్చు. మీ పీఎఫ్ ఖాతాలోని అకౌంట్‌లో ఉన్న మొత్తంపై ఇది ఆధారపడి ఉంటుంది.

Also Read: పీఎఫ్ అకౌంట్ ఉందా? మీకు మోదీ సర్కార్ గుడ్ న్యూస్.. 2 కీలక నిర్ణయాలు!

అంతేకాకుండా కేంద్ర ప్రభుత్వం పీఎఫ్ ఖాతాదారులకు మరో శుభవార్త కూడా అందించింది. వచ్చే మూడు నెలల కాలం పాటు పీఎఫ్ అకౌంట్ డబ్బులను కేంద్రమే భరించనుంది. అంటే ఉద్యోగి కంట్రిబ్యూషన్ మొత్తాన్ని, కంపెనీ కంట్రిబ్యూషన్ మొత్తాన్ని అంటే మొత్తంగా 24 శాతం మొత్తాన్ని కేంద్ర ప్రభుత్వమే మీ పీఎఫ్ అకౌంట్‌లో జమచేయనుంది. అయితే ఇక్కడ ఒక షరతు ఉంది. 100 మంది వరకు ఉద్యోగులు ఉన్న కంపెనీలకు ఇది వర్తిస్తుంది. అలాగే వీరిలో 90 శాతం మంది వేతనం రూ.15,000లోపు ఉండాలి.

Also Read: రైతులకు కేంద్రం శుభవార్త.. బ్యాంక్ అకౌంట్లలోకి రూ.2,000!

ఇంకా నిర్మలా సీతారామన్ పీఎం కిసాన్ యోజన కింద ఇచ్చే డబ్బుల అంశం గురించి ప్రస్తావించారు. రైతులకు పీఎం కిసాన్ కింద రూ.2,000ను వచ్చే వారంలో విడుదల చేస్తామని ప్రకటించారు. దీంతో వచ్చే వారంలో అన్నదాతల అకౌంట్లకు రూ.2,000 జమ కానున్నాయి. లాక్‌డౌన్ పరిస్థితుల్లో ఈ చర్య ఎంతో ప్రయోజనకరమని భావించొచ్చు.

అంతేకాకుండా నిర్మలమ్మ గరీబ్ క్యలాణ్ యోజన స్కీమ్‌ను ఆవిష్కరించారు. దీని కోసం రూ.1.7 లక్షల కోట్లు కేటాయిస్తున్నట్లు తెలిపారు. దేశంలో ఎవ్వరూ కూడా ఆకలి బాధలు పడొద్దనే ఉద్దేశంతో ఈ నిర్ణయం తీసుకున్నట్లు ఆమె తెలిపారు. వలస కూలీలు, పేదలకు ఈ డబ్బు ద్వారా నేరుగా అకౌంట్లలోకి వెళ్లొచ్చు.

Source link

Leave a Reply

Your email address will not be published. Required fields are marked *