Lucifer Telugu Remake: చిరంజీవి ‘లూసిఫర్’ రీమేక్ వెనుక ప్రభాస్ హస్తం – prabhas recommended his saaho director sujeeth to meet chiranjeevi for lucifer telugu remake


మెగాస్టార్ చిరంజీవికి యంగ్ రెబల్ స్టార్ ప్రభాస్‌తో మంచి అనుబంధం ఉంది. ఒక హీరోకి ఉండాల్సిన లక్షణాలన్నీ ప్రభాస్‌లో ఉన్నాయంటూ అప్పుడెప్పుడే ‘రాఘవేంద్ర’ సినిమా సమయంలోనే చిరంజీవి ప్రశంసించారు. ప్రభాస్‌కు కూడా చిరంజీవి అంటే ఎంతో గౌరవం. ఆ అనుబంధం, గౌరవంతోనే చిరంజీవికి ప్రభాస్ సలహా ఇచ్చారట. మోహన్‌లాల్ హీరోగా మలయాళంలో వచ్చిన సూపర్ హిట్ మూవీ ‘లూసిఫర్’ను తెలుగులో రీమేక్ చేస్తున్న సంగతి తెలిసిందే. చిరంజీవి హీరోగా నటించనున్నారు. ఈ సినిమాను రామ్ చరణ్ నిర్మించనున్నారు.

నిజానికి ‘లూసిఫర్’ రీమేక్ రైట్స్ కొనుగోలు చేయమని చరణ్, చిరంజీవిలకు ప్రభాస్ సలహా ఇచ్చారని టాక్. చిరంజీవి ఏజ్, ఇమేజ్‌కు ఆ సినిమా కరెక్ట్‌గా సరిపోతుందని ప్రభాస్ అన్నారట. ఆయన సూచన మేరకే చరణ్ ‘లూసిఫర్’ రీమేక్ రైట్స్ కొనుగోలు చేశాని ఇండస్ట్రీ వర్గాలు అంటున్నాయి. అంతేకాదు, ఈ సినిమా దర్శకత్వ బాధ్యతను సుజీత్‌కు అప్పగించమని సలహా ఇచ్చింది కూడా ప్రభాసేనట. ప్రభాస్, సుజీత్ కలిసి ‘సాహో’ సినిమాకు పనిచేసిన విషయం తెలిసిందే. ఈ సినిమాను భారీ స్థాయిలో తెరకెక్కించారు సుజీత్. ముఖ్యంగా యాక్షన్ సన్నివేశాలు అదుర్స్ అనే చెప్పాలి.

Also Read:చాలా రక్తం పోయింది.. బతుకుతానని అనుకోలేదు: చిరంజీవికి థ్యాంక్స్ చెప్పిన హేమ

‘లూసిఫర్’ పొలిటికల్ డ్రామానే అయినప్పటికీ ఈ సినిమాలోనూ యాక్షన్‌కు పెద్దపీట వేశారు. అందుకే, సుజీత్ అయితే న్యాయం చేస్తాడని ప్రభాస్ చెప్పారట. దీనిపై చరణ్, చిరంజీవి ఆలోచించి మొత్తానికి స్క్రిప్ట్‌ను సుజీత్ చేతిలో పెట్టారని అంటున్నారు. ప్రస్తుతం సుజీత్ స్క్రిప్ట్‌లో మార్పులు చేర్పులు చేస్తున్నారు. ఆయన ఫైనల్ స్క్రిప్ట్ తయారుచేసి చరణ్, చిరంజీవిలకు వినిపించనున్నారట. కాగా, ఈ సినిమాను డిసెంబర్‌లో మొదలుపెడదామని అనుకున్నారు. కానీ, ప్రస్తుత పరిస్థితుల కారణంగా ఫ్యూచర్ ప్లాన్స్ అన్నింటిలోనూ మార్పులు వస్తున్నాయి. మరి, ఈ సినిమా విషయంలో ఏం జరుగుతుందో చూడాలి.

ప్రస్తుతం చిరంజీవి ‘ఆచార్య’ సినిమా చేస్తోన్న విషయం తెలిసిందే. కొరటాల శివ దర్శకత్వంలో తెరకెక్కుతోన్న ఈ సినిమాను దసరా కానుకగా విడుదల చేయాలని అనుకున్నారు. కానీ, లాక్‌డౌన్ కారణంగా షూటింగ్‌లన్నీ ఆగిపోయాయి. మళ్లీ జూలై నుంచి కానీ షూటింగ్‌లు మొదలుకావని అంటున్నారు. కాబట్టి, దసరాకు ‘ఆచార్య’ సిద్ధమయ్యే ప్రసక్తే లేదు. వచ్చే ఏడాది సంక్రాంతికి రావచ్చని అంటున్నారు. ఈ సినిమా పూర్తయిన వెంటనే ‘లూసిఫర్’ మొదలుపెడతారు.



Source link

Leave a Reply

Your email address will not be published. Required fields are marked *