madurai infant murder: పసరు పోసి పురిటిబిడ్డ హత్య, నదిలో పూడ్చివేత.. పోస్టుమార్టం రిపోర్ట్‌తో షాకింగ్ – father and grandmother brutally kills 4 days old infant in madurai


నాలుగు రోజుల పసికందును పసరు పోసి చంపేసిన అమానుష ఘటన వెలుగుచూసింది. నాలుగోసారీ ఆడపిల్లే పుట్టిందన్న ఆక్రోశంతో కన్నతండ్రి, నానమ్మ ఈ దారుణానికి ఒడిగట్టారు. పిల్లలను చంపేందుకు వినియోగించే ఆకుల పసరును పసికందు గొంతులో పోసి చంపేసి ఊరికి సమీపంలోని నదిలో పూడ్చిపెట్టేశారు. సీన్‌లోకి ఎంటరైన పోలీసులు పాప శవాన్ని వెలికితీయించి పోస్టుమార్టం జరిపించడంతో విస్తుపోయే వాస్తవాలు వెలుగులోకి వచ్చాయి. ఈ అత్యంత దారుణ ఘటన తమిళనాడులో చోటుచేసుకుంది.

మదురై జిల్లా షోలవందన్‌ పంచాయతీకి చెందిన తవమణి(33) దంపతులకు ముగ్గురు కుమార్తెలు సంతానం. ఇటీవల అతని భార్య నాలుగోబిడ్డకు జన్మనిచ్చింది. ఈసారి కూడా ఆడపిల్లే పుట్టడంతో ఆగ్రహం చెందిన తవమణి, అతని తల్లి పాండియమ్మాల్(57) పసికందును చంపేయాలని నిర్ణయించుకున్నారు. పురిటి బిడ్డలను చంపేందుకు స్థానికంగా ఉపయోగించే ఆకుపసరు గొంతులో పోసి చంపేశారు.

Also Read:
సిగరెట్ వెలిగించలేదని మేనమామ ఘాతుకం.. కత్తితో పొడిచి..

పాప శవాన్ని ఊరికి సమీపంలోని నదిలో పూడ్చిపెట్టేశారు. అయితే పసికందు కనిపించకపోవడంతో అనుమానం వచ్చిన స్థానికులు వీఏవోకి.. ఆయన పోలీసులకు సమాచారం అందించారు. సీన్‌లోకి పోలీసులు ఎంటరవడంతో తవమణి, అతని తల్లి హైడ్రామాకు తెరతీశారు. బిడ్డ ఆరోగ్యం బాగోక చనిపోవడంతో నదిలో పూడ్చిపెట్టామని.. పాపను ఆస్పత్రికి తీసుకెళ్లేందుకు అంబులెన్స్‌కి కూడా ఫోన్ చేశామని చెప్పారు. పురిటి బిడ్డ లోపాలతోనే చనిపోయిందని నమ్మించే ప్రయత్నం చేశారు.

అయితే పాప శవాన్ని వెలికితీయించిన పోలీసులకు తల, పుర్రె భాగంలో గాయాలు కనిపించడంతో అనుమానం వచ్చి పోస్టుమార్టానికి పంపించారు. దీంతో అసలు విషయాలు వెలుగులోకి వచ్చాయి. తల్లీకొడుకుల డ్రామాకు తెరపడింది. బిడ్డపై విషప్రయోగం జరిగిందని.. అనంతరం ఊపిరాడకుండా చేసి చంపేశారని పోస్టుమార్టం రిపోర్టులో తేలడంతో అసలు బండారం బయటపడింది.

Read Also: కుటుంబంలో టిక్‌టాక్ చిచ్చు.. తల్లీకొడుకుల బలవన్మరణం.. విజయవాడలో విషాదం

పోస్టుమార్టం రిపోర్ట్ పరిశీలించిన పోలీసులు తల్లీకొడుకులను తమ స్టైల్లో విచారించడంతో అసలు నిజాలు కక్కేశారు. పసికందుని తామే హత్య చేసినట్లు ఒప్పుకున్నారు. నాలుగోసారి కూడా ఆడపిల్లే పుట్టడంతో పసికందు గొంతులో పసరు పోశామని.. అయినప్పటికీ బిడ్డ చనిపోకపోవడంతో గొంతుననులిమి ఊపిరాడకుండా చేసి అంతమొందించినట్లు చెప్పడంతో ఇద్దరినీ అరెస్టు చేసి జైలుకి పంపారు. భార్య లేని సమయంలో ఈ దారుణానికి పాల్పడినట్లు తెలుస్తోంది.



Source link

Leave a Reply

Your email address will not be published. Required fields are marked *