mahanandi si: కర్నూలు: లాక్‌డౌన్‌ రూల్స్ బ్రేక్.. యువకులకు ఎస్సై వెరైటీ పనిష్మెంట్ – mahanandi si variety punishment to lockdown rules breakers


ఏపీలో కరోనా పంజా విసురుతోంది.. పాజిటివ్ కేసుల సంఖ్య పెరుగుతోంది. మంగళవారం రాష్ట్రవ్యాప్తంగా 1259 కేసులు నమోదయ్యాయి. కర్నూలు, గుంటూరు, కృష్ణా జిల్లాల్లో పరిస్థితి దారుణంగా ఉంది. ఒక్కో జిల్లాలో 200కుపైగా కేసులు ఉన్నాయి. కర్నూలు జిల్లాలో మాత్రం ఏకంగా 300 కేసుల పైమాటే. జిల్లాలో సాక్షాత్తూ ఎంపీ కుటుంబంలో ఆరుగురికి కరోనా రావడం సంచలనం రేపింది. దీంతో జిల్లావాసులు ఆందోళన వ్యక్తం చేస్తున్నారు.. ఇళ్లలో నుంచి బయటకు రావాలంటే భయపడుతున్నారు. జిల్లాలో కరోనా కేసులు భయపెడుతున్నా.. కొందరు ఆకతాయిలు మాత్రం రోడ్లపైకి వస్తున్నారు.

మొన్నటి వరకు పద్దతిగా చెప్పి చూసిన పోలీసులు.. ఇక లాభం లేకపోవడంతో రూటు మార్చారు. లాక్‌డౌన్ రూల్స్ బ్రేక్ చేస్తున్న యువకులు, ఆకతాయిలకు పోలీసులు వెరైటీ పనిష్మెంట్లు ఇస్తున్నారు. లాక్‌డౌన్ సమయంలో బయట తిరగొద్దని పోలీసులు ఎంత చెప్పినా వినక పోవడంతో మహానంది మండలం గాజులపల్లిలో రోడ్లపై తిరుగుతున్న కొందర్ని మహానంది ఎస్సై ప్రవీణ్ కుమార్ రెడ్డి ఇలా గంతులు వేయించారు. మరోసారిబయటకు రావొద్దు అని హెచ్చరించారు. స్వయంగా ఎస్సై ఎలా గంతులు వేయాలో చూయించడం విశేషం. ఈ వీడియో సోషల్ మీడియాలో వైరల్ అవుతోంది.

samayam telugu



Source link

Leave a Reply

Your email address will not be published. Required fields are marked *