Maharashtra cm uddav thackeray on bandra incident : మా రాష్ట్రంలో మీ భద్రతకు ఢోకా లేదు .. వ‌ల‌స కూలీల‌కు మహారాష్ట్ర సీఎం థాక్రే భ‌రోసా – maharashtra cm uddhav thackeray responds about bandra incident


లాక్‌డౌన్ కొన‌సాగింపు కార‌ణంగా ఆందోళ‌న‌కు దిగిన వ‌లస కూలీల‌కు మ‌హారాష్ట్ర ముఖ్య‌మంత్రి, శివ‌సేన చీఫ్ ఉద్ధ‌వ్ థాక్రే భ‌రోసానిచ్చారు. మ‌హారాష్ట్రలో అంద‌రూ క్షేమంగా ఉంటార‌ని, లాక్‌డౌన్ ఎత్తివేశాక, సొంత ఊళ్లకు వెళ్ల‌వ‌చ్చ‌ని సూచించారు. మంగ‌ళ‌వారం ఉద‌యం ప్ర‌ధాన‌మంత్రి న‌రేంద్ర మోదీ లాక్‌డౌన్‌ను ఈనెల 14 నుంచి వ‌చ్చేనెల 3 వ‌ర‌కు పొడిగించిన సంగ‌తి తెలిసిందే. ఈ ప్ర‌క‌ట‌న వెలువ‌డ్డాక వెయ్య‌మందికి పైగా వ‌ల‌స కూలీలు ముంబై బాంద్రా రైల్వేస్టేష‌న్‌కు చేరుకుని ఆందోళ‌న వ్య‌క్తం చేశారు.


Must Read: క‌రోనా టెర్ర‌ర్‌: రాజ‌స్థాన్‌లో 1000 దాటిన‌ క‌రోనా కేసులు.. ఒక్క‌రోజే 108 మందికి


త‌మ‌కు మ‌హారాష్ట్ర‌లో తిన‌డానికి తిండి దొర‌క‌డం లేద‌ని వారంతా ఆందోళ‌న వ్య‌క్తం చేశారు. ఈ నేప‌థ్యంలో త‌మ‌ను స్వ‌గ్రామాల‌కు పంపించాల‌ని డిమాండ్ చేశారు. వీరిలో ఉత్త‌ర‌ప్ర‌దేశ్‌, బిహార్ రాష్ట్రాల‌కు చెందిన వారే ఎక్కువ‌మంది ఉండటం గ‌మ‌నార్హం. అయితే లాక్‌డౌన్ నెల‌కొన్నవేళ గుమిగూడవ‌ద్ద‌ని వారిని హెచ్చ‌రించిన పోలీసులు.. అనంత‌రం లాఠీచార్జీ చేసి అంద‌రినీ విడ‌గొట్టారు.

Must Read: షాకింగ్..క్వారంటైన్ సెంట‌ర్‌పై అభ్యంత‌రం .. పోలీసులపై గ్రామస్తుల దాడి


వారంద‌రికీ కావాల్సిన ఆహారాన్ని, ఆశ్ర‌యాన్ని అందించ‌డానికి సిద్ధంగా ఉన్నామ‌ని పోలీసులు భ‌రోసానిచ్చారు కాసేప‌టికే వ‌ల‌స కూలీల‌ను ఉద్దేశించి ప్ర‌సంగించిన సీఎం ఉద్ధ‌వ్‌.. లాక్‌డౌన్ అంటే నిర్బంధం కాద‌ని స్పష్టం చేశారు. మ‌హారాష్ట్రలో వలస కూలీలను క్షేమంగా ఉంచుతామని తెలిపారు. లాక్‌డౌన్ ఎత్తివేశాక కేంద్రంతో క‌లిసి అంద‌రినీ స్వ‌గ్రామ‌నికి చేర్చేందుకు ఏర్పాట్లు చేస్తామ‌ని ఆయ‌న తెలిపారు. మ‌రోవైపు వ‌ల‌స కూలీల ఆందోళ‌న నేప‌థ్యంలో కేంద్ర హోంమంత్రి.. సీఎం ఉద్ధ‌వ్‌తో ఫోన్‌లో మాట్లాడారు.





Source link

Leave a Reply

Your email address will not be published. Required fields are marked *