maharashtra coronavirus: ఒక్క రోజే 2345 కేసులు.. దేశంలో కాదు, మహారాష్ట్రలో! – maharashtra crosses 40,000 coronavirus cases, mumbai at 25,500


హారాష్ట్రలో కరోనా మహమ్మారి కరాళనృత్యం చేస్తోంది. పాజిటివ్ కేసులు అంతకంతకూ పెరుగుతున్నాయి. గురువారం (మే 21) రికార్డు స్థాయిలో 2,345 కేసులు నమోదయ్యాయి. 64 మరణాలు సంభవించాయి. ఒక్క రోజులోనే 2 వేలకు పైగా పాజిటివ్‌ కేసులు నమోదవడం ఇది రెండోసారి. మే 17న అత్యధికంగా 2347 కేసులు నమోదయ్యాయి. దేశంలో ఎక్కడా ఈ స్థాయిలో కరోనా వైరస్ ప్రభావం లేదు.

గురువారం నాటి కేసులతో మహారాష్ట్రంలో మొత్తం కేసుల సంఖ్య 41,642కు ఎగబాకింది. మరణాల సంఖ్య 1454కి చేరింది. ముంబై నగరంలో కరోనా కేసుల సంఖ్య 25 వేల మార్కును దాటేసింది. ముంబైలో గురువారం ఒక్క రోజే 1382 కొత్త కేసులు నమోదయ్యాయి. ఆసియాలోనే అతిపెద్ద మురివాడగా పేరున్న ధారవిలో గత కొద్ది రోజులుగా వరస మరణాలు సంభవిస్తుండగా.. గురువారం కొత్త మరణాలు లేకపోవడం కాస్త ఊరటనిచ్చే అంశం. అయితే.. అక్కడ కొత్తగా 47 కేసులు నమోదయ్యాయి.

మహారాష్ట్రలో గత ఐదు రోజుల్లో 10 వేలకు పైగా కేసులు నమోదయ్యాయి. భారత్‌లో నమోదవుతున్న కేసుల్లో దాదాపు 35 శాతం కేసులు ఒక్క మహారాష్ట్రలోనే ఉండటం గమనార్హం. ముంబై తర్వాత పుణేలో కరోనా వ్యాప్తి ఎక్కువగా ఉంది. అక్కడ ఇప్పటివరకు 4207 కేసులు నమోదయ్యాయి. గురువారం నాటికి ముంబైలో మొత్తం 25,500 కరోనా కేసులు నమోదయ్యాయి. 882 మంది మరణించారు.

కొత్త ముఖ్యమంత్రి పరిస్థితి చేజారిపోయింది..
మహారాష్ట్రలో కరోనా కేసులు అంతకంతకూ పెరుగుతున్న వేళ విపక్షాలు విమర్శల వర్షం కురిపిస్తున్నాయి. కొంతకాలంగా రాష్ట్రంలో కరోనా పరిస్థితి ప్రభుత్వం అదుపులో లేకుండా పోయిందని మహారాష్ట్ర మాజీ ముఖ్యమంత్రి, బీజేపీ నేత దేవేంద్ర ఫడ్నవీస్‌ విమర్శించారు. దేశంలోనే కరోనా మహమ్మారి అధికంగా విజృంభిస్తోన్న రాష్ట్రంగా మహారాష్ట్ర ఘనత సాధించిందని ఆయన ఎద్దేవా చేశారు.

ముఖ్యమంత్రి కొత్తవారని.. కొత్త ప్రభుత్వానికి పరిపాలన చేసేంత అనుభవం లేదని ఫడ్నవీస్‌ మండిపడ్డారు. ప్రభుత్వం కరోనా వ్యాప్తి విషయంలో తొలి దశ లాక్‌డౌన్‌ నుంచి వ్యూహాత్మకంగా తప్పులు చేసుకుంటూ వస్తోందన్నారు. ముంబైలో కరోనా వ్యాప్తిని అరికట్టేందుకు ప్రభుత్వం ఏం చేయలేని స్థితికి వెళ్లిపోయిందని విమర్శించారు.

Also Read:అంఫన్ తుఫాన్ పెను విధ్వంసం.. 84 మంది మృతి

Must Read:ఏపీ, తెలంగాణ జల వివాదం.. కేంద్రం కీలక నిర్ణయం



Source link

Leave a Reply

Your email address will not be published. Required fields are marked *