maharashtra cyclone: పశ్చిమ తీరం నుంచి మరో తుఫాన్.. జూన్ 3న తీరానికి – cyclonic storm likely to hit maharashtra, gujarat coast on june 3


శ్చిమ తీరం నుంచి మరో తుఫాన్ తరుముకొస్తోంది. అరేబియా స‌ముద్రంలో ఏర్పడిన అల్పపీడనం క్రమంగా బలపడుతోంది. 48 గంటల్లో ఇది తుఫాన్‌గా ఏర్పడే అవకాశం ఉందని భారత వాతావరణ కేంద్రం (ఐఎండీ) ఆదివారం (మే 31) తెలిపింది. జూన్ 3న ఇది తుఫాన్‌గా మారి మహారాష్ట్ర, గుజరాత్ తీరాలను తాకనుందని వెల్లడించింది. ఈ తుఫాన్ కారణంగా దేశంలోని పలు ప్రాంతాల్లో ఒక మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ తెలిపింది. తూర్పు తీరంలో ఇటీవల సంభవించిన అంఫన్ తుఫాన్.. పశ్చిమ బెంగాల్, ఒడిశా రాష్ట్రాల్లో బీభత్సం సృష్టించిన సంగతి తెలిసిందే. ఆ తుఫాన్ వెళ్లిపోయిన కొద్ది రోజులకే పశ్చిమ తీరం నుంచి మరో తుఫాన్ వస్తుండటం గమనార్హం.

ప్రస్తుతం ద‌క్షిణ‌ ఈశాన్య, తూర్పు మ‌ధ్య అరేబియా ప్రాంతంలో లక్షద్వీప్ వరకు అల్పపీడనం స్థిరపడి ఉందని వాతావ‌రణ శాఖ తెలిపింది. రాగ‌ల రెండు రోజుల్లో ఇది వాయుగుండంగా, ఆ త‌ర్వాత తుఫానుగా మారుతుంద‌ని పేర్కొంది. ఈ తుఫాన్ ఉత్తర దిశ‌గా ప‌య‌నించి మ‌హారాష్ట్ర, గుజ‌రాత్ రాష్ట్రాల‌పై ప్రభావం చూపే అవ‌కాశం ఉంద‌ని తెలిపింది.

ఈ అల్పపీడనం కారణంగా మే 31 నుంచి రానున్న మూడు రోజుల పాటు లక్షద్వీప్, కేరళ, కర్ణాటక తదితర ప్రాంతాల్లో ఓ మోస్తరు నుంచి భారీ వర్షాలు కురుస్తాయని ఐఎండీ తెలిపింది. కొంకణ్, గోవా తీరాల్లో, మధ్య మహారాష్ట్రలో జూన్ 2, 3, 4 తేదీల్లో భారీ వర్షాలు కురిసే అవకాశం ఉందని వెల్లడించింది. గుజరాత్ దక్షిణ భాగం, డామన్, డయ్యూ, దాద్రా నగర్ హవేలీ ప్రాంతాల్లోనూ వర్షాలు కురిసే అవకాశం ఉందని తెలిపింది. జూన్ 4 వరకు మత్స్యకారులెవరూ అరేబియా సముద్రంలో చేపల వేటకు వెళ్లకూడదని హెచ్చరించింది.

Also Read:ఢిల్లీ: గంటలో రెండుసార్లు భూకంపం.. ఏదో జరుగుతోంది!

Must Read:అది సిగ్గుపడాల్సిన విషయం కాదు, అబ్బాయిలు కూడా తెలుసుకోవాలి: స్మృతి ఇరానీ



Source link

Leave a Reply

Your email address will not be published. Required fields are marked *