maharashtra encounter: మహారాష్ట్రలో భారీ ఎన్‌కౌంటర్.. ఐదుగురు మావోయిస్టుల మృతి – five naxals killed in an encounter in maharashtra gadchiroli district


హారాష్ట్రలోని గడ్చిరోలి జిల్లాలో భారీ ఎన్‌కౌంటర్ జరిగింది. ఈ పోలీసులకు, మావోయిస్టులకు మధ్య జరిగిన ఎదురు కాల్పుల్లో ఐదుగురు మావోయిస్టులు మృతి చెందారు. ఈ మేరకు న్యూస్ ఏజెన్సీ ANI ట్వీట్ చేసింది. గడ్చిరోలి జిల్లాలోని గైరపట్టిలో కొసమి-కిసనెల్లి సమీపంలోని అడవుల్లో ఆదివారం (అక్టోబర్ 18) మధ్యాహ్నం ఈ ఎన్‌కౌంటర్‌ జరిగినట్లు తెలుస్తోంది. ఘటనా స్థలం నుంచి కొంత మంది ఎన్‌కౌంటర్లు తప్పించుకున్నట్లు సమాచారం. వారి కోసం పోలీసులు విస్తృతంగా గాలిస్తున్నట్లు తెలుస్తోంది.

మృతి చెందిన మావోయిస్టుల్లో ముగ్గురు మహిళలు ఉన్నట్లు సమాచారం. గడ్చిరోలికి చెందిన సీ60 కమాండోలు ఆదివారం కూబింగ్ ఆపరేషన్ చేపట్టాయి. పోలీసుల రాకను గమనించిన నక్సల్స్.. కాల్పులకు దిగినట్లు సమాచారం. అప్రమత్తమైన పోలీసులు వెంటనే ఎదురుకాల్పులకు దిగినట్లు గడ్చిరోడి పోలీసు ఉన్నతాధికారులు తెలిపారు.

ఎన్‌కౌంటర్ అనంతరం ఘటనా స్థలంలో పరిశీలించగా ఐదుగురు మావోయిస్టులు మృతదేహాలు కనిపించినట్లు పోలీసులు తెలిపారు. తప్పించుకున్న మావోయిస్టుల కోసం కూంబింగ్‌ కొనసాగుతోందని వెల్లడించారు. మృతి చెందిన మావోయిస్టుల వివరాలు తెలియాల్సి ఉందని తెలిపారు. మృతదేహాలను హెలికాప్టర్ ద్వారా గడ్చిరోలి జిల్లా పోలీస్ ప్రధాన కార్యాలయానికి తరలించినట్లు సమాచారం.

మరోవైపు.. తెలంగాణలోని ములుగు జిల్లాలోనూ ఎన్‌కౌంటర్ జరిగినట్లు వార్తలు వస్తున్నాయి. ఈ ఎదురుకాల్పుల్లో ఇద్దరు నక్సల్స్ మృతి చెందినట్లు ఆ వార్తల సారాంశం. అయితే.. ఈ ఎన్‌కౌంటర్ వార్తలను పోలీసులు ధ్రువీకరించలేదు.

Also Read:ఎంత ఘోరం.. బతికుండగానే ఫ్రీజర్‌లో పెట్టారు, ఊపిరాడక మృతి
Must Read:భూగర్భంలో ఉగ్రవాదుల రహస్య స్థావరం..



Source link

Leave a Reply

Your email address will not be published. Required fields are marked *