maharashtra minors murder: ఒకే కుటుంబంలోని నలుగురు చిన్నారులు దారుణ హత్య.. మిస్టరీ వీడుతుందా? – four siblings all of them minor, hacked to death in jalagon in maharashtra


ఒకే కుటుంబానికి చెందిన నలుగురు మైనర్లను కిరాతకంగా హత్యచేసిన ఘటన మహారాష్ట్రలో చోటుచేసుకుంది. వీరిని గుర్తుతెలియని వ్యక్తులు గొడ్డలితో నరికి అత్యంత దారుణంగా హత్య చేశారు. మృతులందరూ తోబుట్టువులే కాగా.. వీరిలో ఇద్దరు బాలురు, ఇద్దరు బాలికలు ఉన్నారు. జల్‌గావ్‌ జిల్లాలోని రవేర్‌ తాలూకా బోర్‌ఖేడా గ్రామంలో శుక్రవారం ఈ దారుణం జరిగింది. వారంతా 5-12 ఏళ్లలోపు వారే కావడం బాధాకరం. ముక్కుపచ్చలారని చిన్నారులను దారుణంగా హత్యచేయాల్సి అవసరం ఏంటనేది మిస్టరీగా మారింది.

బాధిత కుటుంబం మధ్యప్రదేశ్‌ నుంచి మహారాష్ట్రలో పొలం పనుల కోసం వలస వచ్చింది. మధ్యప్రదేశ్‌కు చెందిన మెహ్‌తాబ్‌ గులాబ్‌.. రవేర్‌లో ముస్తఫా అనే వ్యక్తి పొలంలో పనిచేసేందుకు ఎన్నిమిదేళ్ల కిందట కుటుంబంతో సహా వచ్చాడు. బంధువుల్లో ఒకరు చనిపోవడంతో గురువారం నాడు గులాబ్‌ తన భార్య, పెద్ద కుమారుడితో కలిసి మధ్యప్రదేశ్‌లోని ఖోరేగావ్‌ జిల్లాలో సొంతూరికి వెళ్లాడు. పిల్లలను ముస్తఫా షైక్‌కు అప్పగించారు. గురువారం అర్ధరాత్రి ఈ హత్యలు జరిగాయి. సంగీత (12), రాహుల్ (11), అనిల్ (8), సుమన్ (3)‌లను దారుణంగా హత్య చేశారు.

రేవారాలో సంగీత ఎనిమిదో తరగతి చదువుతుండగా.. పెద్ద కుమారు సంజయ్ ఇంటర్ చదువుతున్నాడు. శుక్రవారం ఉదయం 8 గంటల ప్రాంతంలో ముస్తఫా వెళ్లి చూడగా పిల్లలు విగతజీవులుగా పడి ఉన్నారు. వారు ఉంటోన్న గుడిసె తలుపు మూసి ఉండటంతో పిల్లలను బయట నుంచే పిలిచినా ఎంతకు పలకపోవడంతో నిద్ర మత్తులో ఉంటారని భావించాడు. అనంతర తలుపు తెరిచి చూడగా రక్త మడుగులో పడి ఉన్న పిల్లల్ని చూసి షాక్‌కు గురయ్యాడు. పోలీసులకు సమాచారం ఇవ్వడంతో ఘటనా స్థలికి చేరుకుని కేసు నమోదుచేశారు.

ఘటనపై విచారణకు సిట్‌ను ఏర్పాటుచేసినట్టు జలగావ్ ఎస్పీ తెలిపారు. ఫోరెన్సిక్ టీమ్, డాగ్ స్క్యాడ్‌ను రప్పించిన పోలీసులు.. ఆధారాలు సేకరించారు. ఈ ఘటన గురించి తెలిసి మహారాష్ట్ర జలవనరుల శాఖ మంత్రి గులాబ్‌రావ్ పాటిల్ గ్రామంలో పర్యటించారు. చిన్నారులను అత్యంత దారుణంగా హత్యచేసిన కిరాతకులను గుర్తించి, అరెస్ట్ చేయాలని పోలీసులను ఆదేశించారు. ఈ దారుణానికి ఒడిగట్టిన వారిపై కఠిన చర్యలు తీసుకుంటామని హామీ ఇచ్చారు.



Source link

Leave a Reply

Your email address will not be published. Required fields are marked *